कार्तिक १२, २०८३ बिहिबार
October 29, 2026
युग खबर
२०७९ कार्तिक १३, आइतबार
काठमाण्डौंः अभिनेता नवाजुद्दिन सिद्दिकीले बलिउडमा आफ्नो मिहेनतले पहिचान बनाए । उनी हरेक फिल्ममा शतप्रतिशत काम दिन्छन् । जसको परिणाम दर्शकले स्क्रिनमा हेर्न पाइरहेका छन् । कुनै समय ओटीटी प्लेटफर्मममा पनि रुचाइएका यी अभिनेताका ७ फिल्म अहिले ओटीटीमै पेन्डिङ छन् ।
ओटीटीले उनका फिल्म रिलिज गर्न आनाकानी गरेपछि कतै उनलाई ओटीटीले प्रतिबन्ध त लगाएको छैन भन्ने चर्चा सामाजिक सञ्जालमा छ ।
कोरोना समयमा ओटीटी प्लेटफर्म लोकप्रिय बन्यो । कैयौं फिल्म ओटीटीमा रिलिज भए र दर्शकको माया पाए । ओटीटीका मालिक पनि थिएटरमा रिलिज भएका फिल्ममाथि पैसा लगानी गरिरहेका छन् । तर, नवाजुद्दिनको हकमा भने उनका फिल्ममा लगानी गरे पनि रिलिजको मामलामा भने मौन छन् ।
हालैमात्र नवाजुद्दिनलाई सञ्चारमाध्यमले ओटीटीमा फिल्म रिलिज रोकिएका विषयमा प्रश्न सोधेका थिए । ‘इमान्दारिताका साथ भन्नुपर्दा फिल्मको काम पूरा गरेपछि म त्यसमा ध्यान दिन्नँ । मेरो काम हो अभिनय गर्नु, त्यो भन्दा अगाडि म केही जान्दिनँ,’ उनले भनेका छन् ।
उनको फिल्म ‘अद्भुत’, ‘टीकू वेड्स शेरु’, ‘बोलें चुडियाँ’ र ‘नूरानी चेहरा’ जस्ता फिल्म ओटीटीमा पेन्डिङमा छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया