रौतहटमा २ जनामा कोरोना संक्रमण पुष्टी, संक्रमितको संख्या ५४ पुग्यो

काठमाडौँ । रौतहटका २ जना युवामा कोरोनाभाइरसको संक्रमण देखिएको छ। राष्ट्रिय जनस्वास्थ्य प्रयोगशाला टेकुमा गरिएको परीक्षणमा उनीहरूमा संक्रमण पुष्टि भएको हो।

चैत २२ गते भारतको कलकत्ताबाट नेपाल आएका बृन्दावन नगरपालिकाका २४ वर्षीय युवकमा कोरोना संक्रमण देखिएको हो । अर्का संक्रमित देवाही गोनाही नगरपालिका-१ निवासी ३५ वर्षीय पुरुष हुन्। उनी पनि वैशाख ४ गते नयाँदिल्लीबाट नेपाल आएका थिए।

दुबै संक्रमितको स्वास्थ्य अवस्था सामान्य रहेको छ। उनीहरूलाई वीरगन्जस्थित नारायणी अस्पताल पठाउनेबारे छलफल चलिरहेको छ। यो सँगै नेपालमा कोरोना संक्रमितको संख्या ५४ पुगेको छ। जसमा १६ जना निको भएका छन् ।