प्रधानमन्त्री प्रचण्ड र चिनियाँ राजदूत सोङबीच भेटवार्ता

काठमाण्डौंः प्रधानमन्त्री पुष्पकमल दाहाल र नेपालका लागि चिनियाँ राजदूत चेन सोङबीच भेटवार्ता भएको छ। प्रधानमन्त्री दाहाल र सोङबीच समसामायिक विषयमा छलफल भएको प्रधानमन्त्रीको स्वकिय सचिवालयले जनाएको छ।

प्रधानमन्त्रीका स्वकीय सचिव रमेश मल्लले भेटवार्ताबारे जानकारी दिँदै राजदूत चेन बोआओ फोरमको निम्तो दिन बालुवाटार आएको बताए। तर राष्ट्रपति निर्वाचनका लागि मनोनयन दर्ता गर्ने समय दुई दिनमात्र बाँकी छदाँ चिनियाँ राजदुतको यो भेटलाई अर्थपूर्णरुपमा हेरिएको छ।

राजदुतले यसअघि एमाले अध्यक्ष केपी शर्मा ओलीसँग माघ ४ गते भेट गरेका थिए।