मंग्सिर ३, २०८३ बिहिबार November 19, 2026

बेलायतका प्रधानमन्त्रीद्वारा युक्रेनलाई सहयोग गर्न जी-७ राष्ट्रहरूलाई आह्वान

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः बेलायतका प्रधानमन्त्री ऋषि सुनकले शुक्रबारको जी-७ बैठकमा अन्तरराष्ट्रिय समुदायलाई  युक्रेनलाई सहयोग गर्न आग्रह गर्नु भएको छ । उहाँले जारी द्वन्द्वका बीच युक्रेनलाई जेट उपलब्ध गराउन सक्षम राष्ट्रहरूलाई बेलाइतको समर्थन रहेको आशय व्यक्त गर्नु भएको छ ।

उहाँले विश्व नेताहरूलाई युक्रेनमा नागरिक पूर्वाधारको रक्षा गर्न र फ्रन्ट लाइन डिफेन्सहरू जोगाउन मद्दत गर्नुपर्ने भन्दै तत्काल  रुस विरुद्धको द्वन्द्वमा मद्दत गर्न आग्रह गर्नु भएको हो । प्रधानमन्त्री सुनकले यसअघि बेलाइतको भ्रमणका क्रममा युक्रेनी राष्ट्रपति भोलोडिमिर जेलेन्क्सीसँग लामो दूरीका हतियार समर्थन गर्ने बारे उल्लेख गर्नु भएको थियो ।

प्रधानमन्त्री सुनक रुस विरुद्धको लडाइँमा सबै युक्रेनीहरूको बलिदानीलाई सम्मान गर्न बिहान ११ बजे (स्थानीय समय) डाउनिङ स्ट्रिटमा सैन्य कर्मचारीहरूसँग सामेल हुनुहुनेछ ।

सो अवसरमा प्रधानमन्त्री सुनक र बेलायतका लागि युक्रेनी राजदूत वाद्यम प्रिस्टाइकोले डाउनिङ स्ट्रिटमा युक्रेनी सशस्त्र बलका सदस्यहरू र सरकारको इन्टरफ्लेक्स प्रशिक्षण कार्यक्रमलाई समर्थन गर्ने १० राष्ट्रका प्रतिनिधिहरूलाई सहभागी हुनेछन् ।

प्रेस विज्ञप्तिमा ऋषि सुनकले उल्लेख गर्नु भएको छ  “हाम्रो महादेशमा युद्ध शुरु भएको एक वर्ष पूरा भएको बेला म सबैलाई हाम्रा युक्रेनी साथीहरूको साहस र बहादुरीलाई प्रतिबिम्बित गर्न आग्रह गर्दछु । युक्रेनीहरूले २४ घण्टा वीरतापूर्वक लड्दै आफ्नो देशको रक्षार्थ लडेका छन्।

यस भयानक द्वन्द्वमा बेलाइत युक्रेनको साथमा काँधमा काँध मिलाएर उभिएकामा मलाई गर्व छ। म आज डाउनिङ स्ट्रिट बाहिर बहादुर युक्रेनी सैनिकहरूको साथमा उभिएकामा मेरा विचारहरू ती सबैसँग ऐक्यबद्ध हुनेछन् ।” एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
नेपालले जुन ३ मा लर्ड्समा बंगलादेशसँग टी-२० अन्तर्राष्ट्रिय खेल्ने
२०८३ मंग्सिर ४, शुक्रबार
दशौँ राष्ट्रिय खेलकुदमा एक हजार ३३७ पदकका लागि प्रतिस्पर्धा हुने
२०८३ मंग्सिर ३, बिहिबार
चालु आवको तीन महिनाः मुद्रास्फीति ६.३७ प्रतिशत
२०८३ मंग्सिर ३, बिहिबार
पूर्वमुख्यसचिव अर्यालविरुद्ध पक्राउ पुर्जी जारी
२०८३ मंग्सिर ३, बिहिबार
त्रिविको M.Ed. र MSSEd परीक्षाका लागि केन्द्र छनोट गर्न मंसिर ७ सम्मको समय
२०८३ मंग्सिर ३, बिहिबार
विद्येयकमा ‘वेश्यावृत्ति’ शब्द हटाउन सांसदहरूको माग, शोषणसम्बन्धी परिभाषा फराकिलो बनाउन सुझाव
२०८३ मंग्सिर ३, बिहिबार
चितवनलाई ३  विकेटले हराउँदै सुदूरपश्चिम रोयल्स तेस्रो पटक एनपीएलको फाइनलमा
२०८३ मंग्सिर ३, बिहिबार