कार्तिक २९, २०८३ आइतबार
November 15, 2026
युग खबर
२०७९ चैत्र २५, शनिबार
काठमाण्डौंः उपप्रधान एवम् रक्षामन्त्री पूर्णबहादुर खड्काले कर्मचारीलाई तलब खुवाउन पनि ऋण लिनुपर्ने अवस्था आएको बताएका छन् । शनिबार सुर्खेत विमानस्थलमा सञ्चारकर्मीहरुसँग कुराकानी गर्दै उनले यस्तो बताएका हुन् ।
उनले केन्द्रीय गठबन्धन अनुसार कर्णालीमा पनि चाँडै नै नेपाली कांग्रेस सरकारमा जाने बताए । उनले के गर्ने भनेर केन्द्रको नेतृत्वले निर्णय गर्ने र सोही निर्णय सबैतिर लागू हुने बताए ।
’केन्द्रमा भएको निर्णय सबै ठाउँमा लागू हुन्छ र लागू हुने क्रम अघि बढेको छ’, उनले भने, ‘कर्णालीमा पनि चाँडै नेपाली कांग्रेस सरकारमा गएको देख्नुहुन्छ ।’
एमालेसँगको अप्राकृतिक गठबन्धन भत्काएर प्राकृतिक गठबन्धन बनाउन सफल भएको मन्त्री खड्काले बताए । ‘संसद् विघटनलाई वैधानिक दिने प्रयत्न एमालेका पार्टी अध्यक्ष केपी ओलीले संसद्मा आफ्नो अभिव्यक्तमार्फत घोषणा गर्नुभयो र संवैधानिक परिपाटीलाई चुनौती दिनुभयो । आफूले गरेका असंवैधानिक कदमहरुलाई अदालतले असंवैधानिक कदमहरुलाई स्वभाविक भन्नुभयो,’ उनले भने ।
यस्तै उनले चुनावमा गरेका प्रतिबद्धता र प्रधानमन्त्री पुष्पकमल दाहाल प्रचण्डले जनतासामु गरेको प्रतिबद्धताअनुसार कर्णालीमा पर्याप्त बजेट छुट्याइने बताए ।
उनले कर्णाली राजमार्गलाई आगामी बजेटमा राष्ट्रिय गौरवको आयोजनामा समेट्ने दाबी गरे ।
कर्णाली सरकारले कर्णाली करिडोर सडकको सुरुङ्ग मार्गसहितको डिपिआर गरिसकेको उनले जानकारी दिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया