वैशाख १३, २०८१ बिहिबार
April 25, 2024
युग खबर
२०८० वैशाख ३१, आइतबार
काठमाडौं : नक्कली भुटानी शरणार्थी प्रकरणमा मुछिएर पक्राउ पुर्जी जारी भएयता फरार रहेका पूर्वउपप्रधानमन्त्री टोपबहादुर रायमाझी पक्राउ परेका छन् ।
प्रहरीले आइतबार साँझ उनलाई पक्राउ गरेको हो । रायमाझीलाई प्रहरीले आइतबार साँझ काठमाडौंको बूढानीलकण्ठस्थित पासीकोटबाट नियन्त्रणमा लिएको जिल्ला प्रहरी परिसर काठमाडौंका प्रमुख तथा प्रहरी वरिष्ठ उपरीक्षक दानबहादुर कार्कीले जानकारी दिएका हुन् ।
वैशाख २० मा अदालतले पक्राउ पुर्जी जारी गरेपछि गर्दा उपत्यका बाहिरको कार्यक्रममा देखिएका उनी त्यसयता फरार थिए । उनलाई पक्राउ गर्न सातदोबाटास्थित निवासमा प्रहरी गएको थियो । तर, उनी पक्राउ पर्न सकेका थिएनन् ।
अझैँ यस प्रकरणमा मुछिएका तत्कालीन गृहमन्त्री रामबहादुर थापा बादलका छोरा प्रतीक थापा, कांग्रेस पूर्वसांसद आङटावा शेर्पा र बादलका सुरक्षा सल्लाहकार इन्द्रजित राईका छोरा निरज पक्राउ पर्न बाँकी रहेका छन् । उनीहरुविरुद्ध पक्राउ पुर्जी जारी भए पनि फरार छन् ।
यस प्रकरणमा पूर्वगृहमन्त्री एवं कांग्रेस केन्द्रीय सदस्य बालकृष्ण खाँण, पूर्वसचिव टेकनारायण पाण्डे, रायमाझीका छोरा सन्दीपसहित १२ जना पक्राउ परिसकेका छन् । उनीहरुविरुद्ध आइतबार थप ४ दिन म्याद थप गरी अनुसन्धान अघि बढाइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया