देउजाले गरे अध्यक्षको उम्मेदवार बन्ने घोषणा

काठमाडौं । मुलुकभरका निर्माण व्यवसायीहरुको साझा संस्था नेपाल निर्माण व्यवसायी महासंघको नयाँ नेतृत्वका लागि उम्मेदवारहरु चुनावी मैदानमा उत्रिने क्रम सुरु भएको छ ।

आगामी असोज ४, ५ र ६ गते हुने २०औँ साधारणसभा एवं ११औँ महाधिवेशनमा महासंघका वर्तमान महासचिव रामशरण देउजाले अध्यक्षमा उम्मेदवार बन्ने घोषणा गर्नुभएको छ ।

निर्माण व्यवसायी संघ भक्तपुरले आयोजना गरेको कार्यक्रममा देउजाले

अध्यक्षको उम्मेदवारी घोषणा गर्नुभएको हो । महासचिव देउजाले ‘अहिलेको आवश्यकता

युवाको सामूहिक नेतृत्व र ऐक्यबद्धता, अग्रजको सम्मान र व्यावसायिक अनेकताभित्रकोएकता, विकेन्द्रीकरण र अवसरको सुनिश्चितता यही हो मेरो प्रतिबद्धता’ भन्ने नाराका साथनिर्वाचनमा उम्मेदवारका रुपमा उभिएको बताउनुभयो ।

देउजाले मुलुक समृद्धिको यात्रामा अगाडि बढाउन सर्वसम्र्वत रुपमा नेतृत्व चयन हुनुपर्नेमा जोड दिनुभयो । भेलामा महासंघका पूर्वकेन्द्रीय सदस्य तथा भक्तपुर संघका सल्लाहकार वीरेन्द्र थापाले महासंघको महाधिवेशनमा प्रदेश नं ३ को तर्फबाट उपाध्यक्ष बन्ने घोषणा गर्नुभएको थियो ।

भेलामा निर्माण व्यवसायी संघ प्रदेश नं ३ का पूर्वअध्यक्ष कृष्णलाल भँडेल, संघका संस्थापक अध्यक्ष मधुराम लामिछाने, पूर्वअध्यक्ष केशव न्यौपाने, राजाराम न्हिसुतु, वर्तमान अध्यक्ष नीरञ्जन बजगाईंलगायतले देउजा र थापाको उम्मेदवारी व्यक्तिको मात्र नभई भक्तपुर निर्माण व्यवसायी सङ्घकै उम्मेदवारी र प्रतिष्ठाको विषय भएकाले एकताबद्ध भएर दुवै उम्मेदवारलाई निर्वाचित गराउन लागिपर्ने प्रतिबद्धता व्यक्त गर्नुभयो ।