जेठ ११, २०८१ शुक्रबार May 24, 2024

नुवाकोटमा केसी –महत मिल्दा तेस्रो गुट जन्मियो

शेयर गर्नुहोस:
फन्ट परिवर्तन गर्नुहोस:

नुवाकोट । नेपाली कांग्रेसकै दुई गुटबीच प्रतिस्पर्धा भएको निर्माण व्यवसायी संघ नुवाकोटको अध्यक्ष डा प्रकाशशरण महत तथा बहादुरसिंह लामा पक्षका सुमन अधिकारी प्यानलले बाजी मार्न सफल भएको छ ।

बिदुरमा आज सम्पन्न मतगणनामा अधिकारी विजयी भएका हुन् । अधिकारीले आफ्ना प्रतिद्वन्दि कृष्ण थपलियालाई ७२ मतान्तरले पराजित गरेका छन् । अध्यक्षमा अधिकारीले २३१ मत ल्याउँदै विजयी भएका छन् भने उनको प्रतिद्वन्द्वी थपलियाले १५९ मत मात्रै प्प्त गरेका छन् ।

निर्वाचन अधिकृत आत्माकुमार शाहका अनुसार । त्यस्तै उपाध्यक्षमा शैलेन्द्रराज प्याकुरेल , द्वितीय उपाध्यक्षमा पशुपती थापा, महासचिवमा रमेश बस्नेत , उपमहासचिवमा गोकर्ण थपलिया, सचिवमा रामसिं लामा, सहसचिव भगवान अधिकारी, कोषाध्यक्षमा राजकुमार श्रेष्ठ र सह(कोषाध्यक्षमा शिवलाल श्रेष्ठ विजयी भएका छन् ।
अध्यक्षमा बिजयी अधिकारी नेपाली काङ्ग्रेसको बहादुरसिंह लामा र प्रकाशशरण महत पक्षबाट नेकपा र राप्रपा समेतको समर्थनमा उमेदवार बनेका थिए । अर्का प्रत्यासी कृष्ण थपलियालाई काङ्ग्रेसकै अर्जुननरसिंह केसी र रामशरण महत पक्षको समर्थन थियो ।

काङ्ग्रेसको दुई समुहबिच प्रतिष्ठाको लडाँईका रुपमा हेरिएको यस निर्वाचनमा काङ्ग्रेसको नयाँ बिचार समुह बिजयी बनेपछी यसले जिल्लाको राजनितिमा तरङ्ग उत्पन्न गराएको छ ।

यद्यपि यो घटनाले सिंगो कांग्रेसलाई भने लज्जित बनाएको छ । नेताहरुको लडाईले कार्यकर्ता भने फेरि विभाजित हुन बाध्य भएका छन् । नुवाकोटमा गुट अन्त्य गर्ने भन्दै अर्जुननरसिंह केसी र डा रामशरण महत मिलेपछि अर्को गुट जन्मिएको छ ।

केसी र महतले आफु निकटका कार्यकताहरुलाई मिल्नुको कारण र मिल्ने विषयमा समेत जानकारी नगरी एकलौटी रुपमा हातमालो गरेपछि उनीहरु निकट मानिउका नेता कार्यकर्ता समेत असन्तुष्ट बनेका छन् । जसको परिणाम निर्माण व्यवसायी संघमा देखिएको छ ।

विगतमा नुवाकोटमा अर्जुनरसिंह केसी र डा रामशरण महत कित्त थियो । गत निर्वाचनमा केसी र महतका   चार जना उम्मेदवार बनेपछि नुवाकोटको राजनीतिमा कांग्रेसप्रति मतदाता र कार्यकर्तामा नैराश्यता बढेको थियो ।

नेताहरुले भने सत्तारुढ दलको अधिनायकवादी शैली हावी भैरहेका बेला कांग्रेसका केन्द्रीय नेताहरुले समेत अर्को पक्षसँग मिलेर सिंगो पार्टीलाई नै हराएको आरोप लगाएका छन् । पार्टी सभापति जगदीश्वरनरसिंह केसीले भने पार्टीले आधिकारिक रुपमा तय गरेको उम्मेदवारका विषयमा पार्टीका केन्द्रीय नेताहरु ने लाग्नु कांग्रेसका लागि यो भन्दा अर्को बिडम्बना हुनै सक्दैन ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया