माघ २३, २०७९ सोमबार February 6, 2023

कांग्रेस विधान मस्यौदालाई भोलिबाट प्रदेशमा लगिने

शेयर गर्नुहोस:
फन्ट परिवर्तन गर्नुहोस:

काठमाडौं । प्रमुख प्रतिपक्षी दल नेपाली कांग्रेसले पार्टीलाई संघीय संरचना अनुसार अघिबढाउनका लागि विधान संशोधनको प्रस्तावलाई अन्तिम चरणमा पुर्याएको  ।

केन्द्रीयविधान संशोधन समितिले तयार पारेको प्रारम्भिक मस्यौदा सुझाव संकलन गर्नका लागि सातैप्रदेशमा लाने तयारी गरेको छ । समितिले पत्रकार सम्मेलन गरि सार्वजनिक गरे अनुसारअसोज ८ गते सोमबारदेखि १२ गतेसम्म सात प्रदेशका १२ स्थानमा पुगी समितिका सदस्यलेसुझाव संकलन गर्नेछन् ।

इलाम, विराटनगर, जनकपुर, वीरगञ्ज, ललितपुर, धुलिखेल, पोखरा,बाग्लुङ, भैरहवा, घोराही, वीरेन्द्रनगर र धनगढीमा सुझाव संकलनको कार्यक्रम राखिएकोसमिति संयोजक एवं महामन्त्री पूर्णबहादुर खड्काले पत्रकार सम्मेलनलाई जानकारी दिनुभयो ।

सुझाव संकलनमा जिल्ला सभापति, महासमिति सदस्य, क्षेत्रीय सभापति, महाधिवेशन परतिनिधि, पार्टीका तर्फबाट निर्वाचित प्रतिनिधिसभा सदस्य, राष्ट्रियसभा सदस्य र प्रदेशसभासदस्य, भ्रातृ एवं शुभेच्छुक संस्थाका प्रमुख सहभागी हुनेछन् ।

आएका सुझाव सङ्कलन गरीतिहारअघि नै मस्यौदालाई अन्तिम रूप दिइनेछ । विधान संशोधनको मस्यौदा मङ्सिर ५गतेदेखि ९ गतेसम्म आयोजना हुने महासमिति सदस्यको बैठकमा पेश गरिने जनाइएको छ ।

संयोजक खड्काले समितिअन्तर्गत गठन भएका तीनवटै उपसमितिले प्रारम्भिक प्रतिवेदन पेशगरेको सुनाउनुभयो ।

उपसमितिका मस्यौदालाई एकीकृत गर्न सदस्य दीलेन्द्रप्रसाद बडुको संयोजकत्वमा आनन्दप्रसाद ढुङ्गाना र रमेश लेखक सदस्य रहेको तीन सदस्यीय समिति गठनगरिएको थियो । प्रारम्भिक मस्यौदा सर्वसम्मत रूपमा तयार भएको समितिले जनाएको छ ।

मस्यौदामा छलफलमा रहेका सबै विकल्प उल्लेख गरिएको जनाइएको छ । सातै प्रदेशमा हुनेकार्यक्रममा मस्यौदामाथि दफावार सुझाव लिइनेछ । समितिले पार्टी संरचनालाई  तह माविभाजन गर्ने  प्रस्ताव अघि सारेको छ । वडादेखि केन्द्रसम्म आठ तह रहने छन् ।

विधानअनुसार सभापतिलाइ शक्तिशाली बनाउने प्रस्ताव छ । जसअनुसार ८ पदाधिकारी राख्ने र ति मध्ये दुईजना मात्र निर्वाचित र ६ जना मनोनित गर्ने प्रस्ताव गरिएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया