‘पशुपति प्रसाद २-भष्मे डन’को ट्रेलर सार्वजनिक (भिडियो हेर्नुहोस्)

काठमाडौंः विपिन कार्की, सौगात मल्ल र स्वस्तिमा खड्काको शीर्ष भूमिका रहेको फिल्म ‘पशुपतिप्रसाद २ : भष्मे डन’को ट्रेलर सार्वजनिक भएको छ। यो सात वर्षअघि रिलिज भएको ‘पशुपतिप्रसाद’को दोस्रो शृङ्खला हो।

दशैंको फूलपातीमा रिलिज हुने फिल्ममा अघिल्लो फिल्मको पात्र भष्मे डन मुख्य पात्र छ। तीन मिनेट लामो ट्रेल हेर्दा लाग्छ भष्मे डन पात्रको वरपर फिल्म घुमेको छ।

ट्रेलरमा स्वस्तिमा खड्कासँग भष्मे डन विपिन कार्कीको रोमान्टिक किस्सालाई पनि प्रस्तुत गरिएको छ। ट्रेलरमा प्रकाश घिमिरे, रविन्द्रसिंह बानियाँ, सजन थापा मगर, माओत्से गुरुङका चरित्रलाई पनि प्रस्तुत गरिएको छ। सात वर्षपछि पनि यी पात्रको जीवनमा खास ठूलो परिवर्तन छैन। उनीहरू पशुपति क्षेत्रमा बसिरहेका छन्।

टुकी आर्ट्सको ब्यानरमा फिल्मलाई खगेन्द्र लामिछानेले निर्माण गरेका हुन्।

भिडियो हेर्नुहोस्ः