सामसङ स्मार्टफोनको मूल्य घट्यो, यस्तो छ नयाँ सूची

काठमाडौंः सामसङले नेपालमा आफ्ना विभिन्न पाँच ओटा मोडेलका स्मार्टफोनको मूल्य घटाएको छ । कम्पनीले नेपालमा सर्वाधिक बिक्री हुने पाँच मोडेलका फोनमा दुई हजार रुपैयाँको छुट दिने भएको हो ।

आफ्ना ग्राहकहरूको नयाँ वर्ष अझ खास बनाउने योजनाका साथ सर्वाधिक बिक्री हुने सूचीमा रहेका पाँच ओटा मोबाइलको मूल्य घटाइएको कम्पनीले जनाएको छ । जसमा ग्यालेक्सी ए३४ फाइभजी, ग्यालेक्सी ए०४ एस, ग्यालेक्सी ए०४, र ग्यालेक्सी एम१४ फाइभजी रहेका छन् ।

४५ हजार ९९९ रुपैयाँ पर्ने ग्यालेक्सी ए३४ फाइभजी (८ जीबी/१२८ जीबी) को नयाँ मूल्य ४३ हजार ९९९ रुपैयाँ कायम गरिएको छ । त्यस्तै २१ हजार ९९९ रुपैयाँ पर्ने ग्यालेक्सी ए ०४एस (४ जीबी/१२८ जीबी) १९ हजार ९९९ रुपैयाँमा र १६ हजार ९९९ रुपैयाँको ग्यालेक्सी ए०४ (४ जीबी/६४ जीबी) लाई १४ हजार ९९९ रुपैयाँ मात्रै पर्नेछ ।

यसैगरी २४ हजार ९९९ रुपैयाँ पर्ने ग्यालेक्सी एम१४ फाइभजी (६ जीबी/१२८ जीबी) को नयाँ मूल्य २२ हजार ९९९ रुपैयाँ र १७ हजार ९९९ पर्ने ग्यालेक्सी एम०४ (४ जीबी/१२८ जीबी) लाई १५ हजार ९९९ रुपैयाँमै खरिद गर्न सकिनेछ ।

आकर्षक फिचर र पावरफुल पर्फर्मेन्स रहेको ग्यालेक्सी ए ३४ मा कम्पनीले पाँच वर्षको सेक्युरिटी अपडेट र चार ओटा ओएस अपग्रेड दिएको छ । त्यस्तै ग्यालेक्सी ए०४, ग्यालेक्सी ए ०४एस, एम१४ र ए०४ मा पनि चार वर्षको सेक्युरिटी अपडेटका साथै दुई वर्षको ओएस अपग्रेडको सुविधा कम्पनीले उपलब्ध गराउँदै आएको छ ।