कोरोना कहरः विश्वभर संक्रमितको संख्या ८० लाख नाघ्यो, ४ लाख ३५ हजारको मृत्यु

काठमाण्डौंः विश्व महामारी (कोभिड-१९)  कोरोना भाइरस संक्रमितको संख्या विश्वभर ८० लाख नाघेको छ। जोन हप्किन्स विश्वविद्यालयले प्रकाशित गरेको तथ्यांक अनुसार  ८० लाख ५ हजार २ सय ९४ जनामा संक्रमण पुष्टि भएको हो ।

मंगलबार बिहानसम्मको तथ्यांक अनुसार संक्रमितको संख्या अमेरिकामा सर्वाधिक २१ लाख ११ हजार ६ सय २२ छ । त्यस्तै, ब्राजिलमा ८ लाख ८८ हजार २ सय ७१, रुसमा ५ लाख ३६ हजार ४ सय ८४, भारतमा ३ लाख ३२ हजार ४ सय २४ तथा बेलायतमा २ लाख ९८ हजार ३ सय १५ जनामा संक्रमण पुष्टि भएको छ।

हालसम्म विश्वभर ४ लाख ३५ हजार ६ सय २२ जना कोरोना संक्रमितको मृत्यु भएको छ। मृत्यु हुनेको संख्या अमेरिकामा सर्वाधिक १ लाख १६ हजार १ सय १४ जनाको मृत्यु भएको छ।

त्यस्तै, ब्राजिलमा ४३ हजार ९ सय ५९, बेलायतमा ४१ हजार ८ सय २१, इटालीमा ३४ हजार ३ सय ७१ जनाको मृत्यु भएको छ।

विश्वभर ३८ लाख ३३ हजार ३ सय ५८ जना संक्रमणमुक्त भएका छन्। संक्रमणमुक्त हुनेको संख्या पनि अमेरिकामा नै सर्वाधिक छ। त्यहाँ ५ लाख ७६ हजार ३ सय ३४ जना संक्रमणमुक्त भएका छन्।