नेपालगञ्ज । बाँकेमा गैरकानुनी मुद्रा विनिमय र क्रिप्टोकरेन्सी कारोबारमा संलग्न दुई जनालाई प्रहरीले पक्राउ गरेको छ ।
क्रिप्टोकरेन्सी हुनेबारे गोप्य सूचना पाएको बाँके प्रहरीले खोजतलास गर्ने क्रममा नेपालगञ्ज २० का अमृतकुमार बर्मा रजानकी गाउँपालिका १ का रियाज खाँलाई नेपालगञ्ज १८ स्थित भाटभटेनी नजिकबाट पक्राउ गरेको बाँके प्रहरी प्रवक्ता प्रहरी नायब उपरीक्षक नारायण डाँगीले जानकारी दिनुभयो ।
प्रवक्ता डाँगीका अनुसार पक्राउ परेका उनीहरुले Binance र Bitgate मार्फत USDT (क्रिप्टोकरेन्सी) को अवैध कारोबार गर्दै सो बापत दैनिक १ करोड रुपैयाँसम्मको अवैध कारोबार गरेको पाइएको हो ।
बर्मा र खाँले नेपाल राष्ट्र बैङ्क ऐन २०५८ को दफा ९५ बमोजिम कसुर गरेको देखिन आएको बाँके प्रहरीले जानकारी दिएको छ । उनीहरूको ५ दिनको म्याद थप गर्दै अनुसन्धान अघि बढाएको प्रवक्ता डाँगीले जानकारी दिनुभयो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया