मंग्सिर ३, २०८३ बिहिबार November 19, 2026

भेनेजुएलाका विपक्षी उम्मेदवारलाई पक्राउ पुर्जी जारी गरेकोमा इयुद्वारा निन्दा

संयुक्त राज्य अमेरिका, इयु र धेरै ल्याटिन अमेरिकी देशले विस्तृत मतदान नतिजा नदेखी आएको परिणामलाई मान्यता दिन अस्वीकार गरे

शेयर गर्नुहोस:
फन्ट परिवर्तन गर्नुहोस: अ अ अ

ब्रसेल्स, भदौ १९ गते । युरोपेली सङ्घ (इयु) ले मङ्गलबार विपक्षी राष्ट्रपतिका उम्मेदवार एडमन्डो गोन्जालेज उरुटियालाई भेनेजुएलाको अदालतले जारी गरेको पक्राउ पुर्जीलाई खारेज गरेको छ । गोन्जालेज उरुटियाले जुलाईमा भएको निर्वाचनमा सही रूपमा जितेको दाबी गर्नुभएको छ ।

“म पक्राउ पुर्जीलाई स्पष्ट रूपमा अस्वीकार गर्दछु”, इयुको विदेश मामिला प्रमुख जोसेप बोरेलले सामाजिक सञ्जाल एक्समा लेख्नुभएको छ, “विपक्षी र नागरिक समाजको दमन र उत्पीडन धेरै भएको छ, भेनेजुएलाका जनताको इच्छालाई सम्मान गर्नुपर्छ ।”

अधिकांश सदस्य वर्तमान राष्ट्रपति निकोलस मदुरोप्रति मित्रवत रहेको भेनेजुएलाको राष्ट्रिय निर्वाचन परिषद्ले जुलाईको मतदानपछि विपक्षी र अधिकांश अन्तर्राष्ट्रिय समुदायले विवादास्पद परिणाम भने पनि मदुरोलाई तेस्रो छ वर्षको कार्यकालका लािग पुनः निर्वाचित भएको घोषणा गरेको थियो ।

संयुक्त राज्य अमेरिका, इयु र धेरै ल्याटिन अमेरिकी देशले विस्तृत मतदान नतिजा नदेखी आएको परिणामलाई मान्यता दिन अस्वीकार गरेका छन् ।

अन्तिम समयमा मतपत्रमा विपक्षी नेता मारिया कोरिना मचाडोको स्थान लिनुभएका सेवानिवृत्त कूटनीतिज्ञ गोन्जालेज उरुटिया निर्वाचन लगत्तै लुकेर बस्नुभएको छ ।

अदालतले ‘गम्भीर अपराध’ का लागि गोन्जालेज उरुटियालाई वारेन्टका लागि गरेको अनुरोधलाई स्वीकार गरेको भेनेजुएलाको अभियोजक कार्यालयले मङ्गलबार बताएको छ ।

गोन्जालेज उरुटियाका कथित अपराधहरू मदुरो र उहाँका सहयोगीहरूले जुलाई २८ मा राष्ट्रपति निर्वाचनमा मत चोरेको विपक्षी आग्रहबाट उत्पन्न भएको अभियोजकहरूले बताएका छन् । रासस/एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
हसिनाको फिर्तीको घोषणापछि बङ्गलादेशमा सुरक्षा कडा
२०८३ मंग्सिर ३, बिहिबार
नयाँ पुस्ताको कूटनीति राष्ट्रिय हित र रणनीतिक क्षमतामा आधारित हुनुपर्छ: परराष्ट्रमन्त्री खनाल
२०८३ मंग्सिर ३, बिहिबार
राप्ती पुलमा मोटरसाइकल दुर्घटना हुँदा १९ वर्षीय युवकको मृत्यु, दुई घाइते
२०८३ मंग्सिर ३, बिहिबार
विकास–निर्माण थाल्नुअघि भौगर्भिक अध्ययन गर्नुपर्नेमा सभामुखको जोड
२०८३ मंग्सिर ३, बिहिबार
‘एमालेको प्राथमिकता पार्टी एकता, लोकतन्त्रको रक्षा र स्थानीय निर्वाचन’ : एमाले नेता, प्रदीप ज्ञवाली (अन्तवार्ता)
२०८३ मंग्सिर ३, बिहिबार
चितुवा र दुम्सीको आतङ्कले दमेकका किसान चिन्तित
२०८३ मंग्सिर ३, बिहिबार
सुनको मूल्य तोलामै ३ हजार ३०० रुपैयाँले घट्यो
२०८३ मंग्सिर ३, बिहिबार