मंग्सिर ३, २०८३ बिहिबार November 19, 2026

इरानको क्षेप्यास्त्र प्रहारपछी मध्यपूर्वमा तनाव बढ्दो

विश्व समुदायद्धारा इरान र इजरायललाई संयम हुन आग्रह

शेयर गर्नुहोस:
फन्ट परिवर्तन गर्नुहोस: अ अ अ

काठमाडौँ, असोज १७ गते । इरानले पहिलो पटक हाइपरसोनिक मिसाइलसहित इजरायलमा दुई सय वटा क्षेप्यास्त्र प्रहार गरेको छ । मङ्गलबार राति इरानले क्षेप्यास्त्र प्रहार गरेसँगै मध्यपूर्वमा थप तनाव बढेको छ ।

इजरायलले तेहरानले उक्त आक्रमणको मूल्य चुकाउनुपर्ने चेतावनी दिएको छ ।

इजरायली सेनाले इरानले आफ्नो क्षेत्रमा करिब १८० वटा क्षेप्यास्त्र प्रहार गरेको जसमध्ये अधिकांशलाई क्षेप्यास्त्र प्रतिरक्षा प्रणालीले निष्व्रिmय पारिएको जनाएको छ । क्षेप्यास्त्र लागेर एक जनाको मृत्यु हुनुका साथै केही भौतिक संरचनामा क्षति पुगको समाचारमा जनाइएको छ ।

इजरायलका प्रधानमन्त्री बेन्जामिन नेतान्याहुले इरानले गरेको क्षेप्यास्त्र आक्रमण ठुलो गल्ती  भएको र इरानले यसको मूल्य चुनाउनुपर्ने चेतावनी दिनुभएको छ ।   इरानले यो आक्रमण गत जुलाईमा हमास नेता इस्माइल हानिया र हालै हेजबुल्लाहका  प्रमुख नेता हसन नसरल्लाहको हत्याको बदला भएको दाबी गरेको छ ।

विश्व समुदायले इरान र इजरायललाई संयम हुन आग्रह गरेका छन् ।  यसैबिच इजरायलले संयुक्त राष्ट्रसङ्घका महासचिव एन्टोनियो गुटेर्रेसलाई इजरायल प्रवेश गर्न रोक लगाएको छ ।

महासचिव गुटेर्रेसले इरानी आक्रमणको निन्दा नगरेको भन्दै  इजरायल प्रवेशमा प्रतिबन्ध लगाएको विदेशमन्त्री इजरेल काट्जले बताउनुभएको छ ।

उहाँले भन्नुभयो, “जसले इरानले इजरायलमाथि गरेको जघन्य हमलाको प्रस्ट रूपमा निन्दा गर्न सक्दैन, उसलाई इजरायली जमिनमा पाइला राख्ने कुनै हक छैन ।” महासचिव गुटेर्रेसले गत वर्षको अक्टोबर ७ मा हमासले गरेको आक्रमणको पनि निन्दा नगरेको उहाँको आरोप छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
राप्ती पुलमा मोटरसाइकल दुर्घटना हुँदा १९ वर्षीय युवकको मृत्यु, दुई घाइते
२०८३ मंग्सिर ३, बिहिबार
विकास–निर्माण थाल्नुअघि भौगर्भिक अध्ययन गर्नुपर्नेमा सभामुखको जोड
२०८३ मंग्सिर ३, बिहिबार
‘एमालेको प्राथमिकता पार्टी एकता, लोकतन्त्रको रक्षा र स्थानीय निर्वाचन’ : एमाले नेता, प्रदीप ज्ञवाली (अन्तवार्ता)
२०८३ मंग्सिर ३, बिहिबार
चितुवा र दुम्सीको आतङ्कले दमेकका किसान चिन्तित
२०८३ मंग्सिर ३, बिहिबार
सुनको मूल्य तोलामै ३ हजार ३०० रुपैयाँले घट्यो
२०८३ मंग्सिर ३, बिहिबार
तीन वर्षपछि भारतमा हुँदै आइपिएलको खेलाडी अक्सन
२०८३ मंग्सिर ३, बिहिबार
विश्वका प्रदूषित सहरमध्ये काठमाडौं तेस्रो स्थानमा
२०८३ मंग्सिर ३, बिहिबार