सैनिक शासन लगाएका दक्षिण कोरियाका राष्ट्रपतिले मागे माफी

काठमाण्डौः दक्षिण कोरियाका राष्ट्रपति युन सुक येओलले देशका जनतासँग माफी मागेका छन् ।

राति अबेर राष्ट्रका नाममा सम्बोधन गर्दै उनले आफ्नो निर्णयप्रति जनतासँग टाउको झुकाएर माफी माग्ने बताए । उनले सबै कुरा पार्टीलाई सुम्पिसकेको बताउदै अब पार्टीले जे निर्णय गर्छ त्यही गर्ने घोषणा गरेका छन् ।

राष्ट्रपतिले योओलले देशमा मार्सल ल लगाएका थिए । नेशनल एसेम्बलीले राष्ट्रपतिको आदेश उल्ट्याइएपछि मार्शल ल छ घण्टा मात्र लागू रहेको थियो । त्यसयता उनी प्रमुख प्रतिपक्षी दल लोकतान्त्रिक पार्टी र अन्य साना दलको निशाना बनेका छन् । उनीविरुद्ध महाअभियोग पनि लगाइएको छ ।

उनले भने, ‘मेरा सहकर्मीहरू, मैले ३ डिसेम्बर राति ११ बजे आपतकालीन सैनिक कानूनको घोषणा गरेको थिए । करिब दुई घण्टा पछि, डिसेम्बर ४ मा करिब एक बजे, मैले मार्शल ल हटाउने आदेश दिए । मैले सशस्त्र सेना फिर्ता गरें। नेशनल एसेम्बलीको प्रस्ताव अनुसार मैले यो गरेको हुँ । त्यसपछि राति अबेरसम्म मन्त्रिपरिषद्को बैठक बोलाएर मार्शल ल हटाएँ ।’

उनले भने, ‘राज्य प्रमुखका हैसियतले हताश भएर मार्सल ल घोषणा गरिएको थियो, तर यो प्रक्रियाले जनतामा त्रास र पीडा थपेको छ । यसका लागि म गहिरो खेद व्यक्त गर्दछु। यसबाट दुखित हुनुहुनेहरु प्रति हार्दिक माफी चाहन्छु । यो मार्शल लको घोषणाको लागि म मेरो कानूनी र राजनीतिक जिम्मेवारीबाट भाग्ने छैन। त्यहाँ मार्शल ल पुन: लागू गर्ने कुरा छ, तर मलाई यो स्पष्ट गर्न दिनुहोस् कि अर्को मार्शल ल अब कहिल्यै लागु हुने छैन ।’

उनले भने, ‘मेरा देशवासीहरू, म मेरो कार्यकाल मेरो पार्टीलाई देशलाई स्थिरता दिनेछु । आगामी दिनमा देशको व्यवस्थापनको जिम्मेवारी मेरो पार्टी र सरकारको हुनेछ । जनतालाई पर्न गएको असुबिधा प्रति म फेरी एक पटक शिर झुकाएर माफी माग्न चाहन्छु ।’

येओलले देशको उदारवादी लोकतन्त्रलाई ‘शासन विरोधी शक्तिहरू’ र ‘उत्तर कोरियाद्वारा निम्त्याएको खतरा’बाट जोगाउन मार्शल लको घोषणा गरेको बताएका थिए ।

येओलको वास्तविक असन्तुष्टि दक्षिण कोरियाको विपक्षी डेमोक्र्याटिक पार्टीसँग थियो, जसले हालै अर्को वर्षको खर्चको लागि देशको ६७७ ट्रिलियन वोन बजेटबाट ४.१ ट्रिलियन वोन कटौती गरेको थियो ।

यसबारे राष्ट्रपतिले प्रतिपक्षले देश चलाउनका लागि आवश्यक सबै खर्चमा कटौती गर्न थालेको बताएका थिए । यो सम्पूर्ण घटनापछि राष्ट्रपति युन सुक येओलमाथि दबाब बढ्दै गएको छ । विपक्षी दलहरूले उनलाई या त पदबाट राजीनामा दिन वा महाभियोगको कारबाही सामना गर्न तयार हुन अल्टिमेटम दिएका छन्।

दक्षिण कोरियाको मुख्य श्रमिक संघले योलले राजीनामा नगरेसम्म अनिश्चितकालीन हडतालको घोषणा गरेको छ ।  संघले उनलाई लोकतन्त्र विरोधी कदम चालेको आरोप लगाएको छ । यसैबीच, राष्ट्रपति योलको आफ्नै पीपुल्स पावर पार्टी (पीपीपी) ले मार्शल ल लगाउने उनको कदमलाई भयानक भन्दै यस निर्णयसँग सम्बन्धित व्यक्तिहरूको जिम्मेवारी तोक्न माग गरेको छ । एजेन्सी