मंग्सिर ३, २०८३ बिहिबार November 19, 2026

दक्षिण कोरिया विमान दुर्घटना अपडेटः १७९ जनाको मृत्यु

दुर्घटनामा परेका मध्ये दुई जनाको भग्नावशेषबाट जीवितै उद्दारपश्चात उपचार हुँदै

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः दक्षिण कोरियामा भएकव् विमान दुर्घटनामा मृत्यु हुनेको संख्या १७९ जना पुगेको छ । विमानमा सवार १८१ जनामध्ये १७९ जनाको मृत्यु भइसकेको अन्तिराष्ट्रिय सञ्चारमाध्यमले जनाएका छन् ।

दुर्घटनामा परेका मध्ये दुई जनाको भग्नावशेषबाट जीवितै उद्दार गरिएको छ । ती दुई जना बाहेक अन्य सबै यात्रुको मृत्यु भइसकेको बताइएको छ । विमान अवतरणका क्रममा धावनमार्गबाट चिप्लिएर दुर्घटना भएको बताइएको ।

धावनमार्गबाट चिप्लिएर दक्षिण पश्चिममा रहेको मुआन अन्तर्राष्ट्रिय विमानस्थलको पर्खालमा ठोक्किएको दक्षिण कोरियाली समाचार एजेन्सीले जनाएको छ ।

विमानको ल्याण्डिङ गियरमा भएको गडबडीले दुर्घटना भएको उल्लेख गरिएको छ र प्रत्यक्षदर्शीका अनुसार विमानमा चरा ठोक्किएर दुर्घटनाग्रस्त भएको पनि भनिएको छ ।

१७५ यात्रु र ६ जना चालक दलका सदस्य बोकेको जेजु एयरको विमान थाइल्याण्डको बैंककबाट फर्किएको थियो । जहाजमा रहेका यात्रुहरूमा १ सय ७३ दक्षिण कोरियाली र दुई जना थाइ नागरिक रहेको योनहाप समाचार एजेन्सीले जनाएको छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया