चौघडा आँखा शिविरमा २ सय ९० को परिक्षण

चौघडा । जिल्लाको लिखु गाउँपालिका ४ मा रहेको श्री क्षेत्रपाल माध्यमिक विद्यालय प्रांगणमा आँखा शिविरको आयोजना गरिएको छ । माघ २४ गते जिल्ला सामुदायिक आँखा केन्द्र नुवाकोटको आयोजनामा भएको शिविरमा विद्यालयका विद्यार्थी तथा अभिभावकहरु सहित स्थानीहरुले समेत आफ्नो आँखा जाँच गराएका थिए ।

सो अवसरमा गाउँपालिका करिब २ सय ९० जनाको आँखा जाँच गरि औधषी समेत वितरण गरिएको विद्यालयका अभिभावक संघका अध्यक्ष रामचन्द्र वस्तीले नुवाकोट पुकारलाई जानकारी दिनुभयो ।

सो क्रममा आँखामा समस्या देखिएकाहरु मध्ये धेरैको अप्रेसन समेत गर्नुपर्ने रहेको आँखा केन्द्र नुवाकोटले जनाएको छ । केन्द्रले दिएको जानकारी अनुसार फागुन १,२, र ३ गते हुने शिविरमा ३९ जनाको निशुल्क खाँखा अप्रेसन गर्ने तयारी भएको समेत जनाएको छ । शिविरमा विद्यालयाका विद्यार्थी तथा स्थानीय सामाजिक संस्था क्षेत्रपाल सामुदायिक संस्थाले स्वयं सेवकको रुपमा दिनभर सहयोग गरेका अध्यक्ष वस्तीले जानकारी दिनुभयो ।