विश्वभर कोरोना संक्रमितको संख्या एक करोड ८९ लाख नाघ्यो

काठमाडौंः विश्व महामारीका रुपमा फैलिएको कोरोना भाइरसबाट विश्वभर संक्रमितको संख्या विश्वमा एक करोड ८९ लाख नाघेको छ ।

विश्व स्वास्थ्य संगठन (डब्लूएचओ) का अनुसार हालसम्म विश्वमा कोरोना संक्रमितको संख्या एक करोड ८९ लाख दुई हजार सात सय ३५ पुगेको जनाएको छ ।

कोरोनाका कारण विश्वमा हालसम्म ज्यान गुमाउनेको संख्या सात लाख नौ हजार पाँच सय ११ पुगेको छ । सबैभन्दा धेरै कोरोना संक्रमित हुने देशको सूचिमा पहिलो नम्बरमा अमेरिका छ भने दोस्रो स्थानमा ब्राजिल छ ।

अमेरिकामा संक्रमतिको संख्या ४७ लाख ८१ हजार छ सय १२ र ब्राजिलमा २८ लाख ५९ हजार ७३ पुगेको डब्लूएचओले जनाएको छ ।

चीनको वुहानबाट सुरु भएको कोरोना भाइरसको संक्रमण विश्वका दुई सय १६ देशमा फैलिसकेको छ ।