मंग्सिर ३, २०८३ बिहिबार November 19, 2026

इजरायली सेनाद्वारा गाजामा भीषण आक्रमण : मन्त्रिसहित २ सय २० जनाको मृत्यु

१९ जनवरीमा युद्धविराम सुरु भएयता गाजामाथि भएको सबैभन्दा ठूलो हवाई आक्रमण

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । इजरायली सेनाले गाजामा “व्यापक आक्रमण” गरिरहेको छ । सो आक्रमणमा परी कम्तीमा २२० जना प्यालेस्टिनीको मृत्यु भएको हमासद्वारा सञ्चालित स्वास्थ्य मन्त्रालयले जनाएको छ ।

इजरायली आक्रमणमा परी गाजाका उपगृहमन्त्री तथा हमासका उच्च सुरक्षा अधिकारी महमूद अबु वाफाह समेत मारिएको बिबिसीले जनाएको छ ।

इजरायल डिफेन्स फोर्सेस (आडिएफ) ले हमासका “आतंकवादी लक्षित संरचना”हरूलाई ध्वस्त पार्न आक्रमण गरिएको बताएको छ ।

यो १९ जनवरीमा युद्धविराम सुरु भएयता गाजामाथि भएको सबैभन्दा ठूलो हवाई आक्रमण हो । गाजा युद्धविरामलाई लम्ब्याउने वार्ता सहमतिमा पुग्न नसकेर असफल भएको छ ।

रामदानको पवित्र महिनामा मानिसहरू प्रातःकालीन भोजन गर्दै गर्दा गाजामा विस्फोटहरू सुरु भएको प्रत्यक्षदर्शीहरूले बताएका छन् । उनीहरूका अनुसार २० भन्दा बढी इजरायली युद्धक विमानहरूले गाजा सिटी, राफा र खान युनिसमा आक्रमण सुरु गरेको हो ।

इजरायली प्रधानमन्त्री बेञ्जामिन नेतन्याहु र रक्षा मन्त्री इजरायल काट्जले मंगलबार बिहान आक्रमणको आदेश दिएको प्रधानमन्त्री कार्यालयको वक्तव्यमा उल्लेख छ ।

वक्तव्यमा भनिएको छ, “हमासले बन्धकहरूलाई मुक्त गर्न बारम्बार अस्वीकार गर्नुका साथै, अमेरिकी राष्ट्रपति दूत स्टीभ विटकोफ र मध्यस्थकर्ताहरूबाट प्राप्त सबै प्रस्ताव अस्वीकार गरेपछि गरिएको हो ।”

हमासले इजरायलले युद्धविराम सम्झौता उल्ट्याएकोमा आक्रोशित प्रतिक्रिया दिँदै यसलाई विश्वासघात भनेको छ । उसले गाजामा रहेका बाँकी इजरायली बन्धकहरूलाई जोखिममा पारेको आरोप लगाएको छ ।

तर हमासले अहिलेसम्म औपचारिक रूपमा युद्ध पुनः सुरु गर्ने घोषणा गरेको छैन, उसले मध्यस्थकर्ताहरू र संयुक्त राष्ट्रलाई हस्तक्षेप गर्न आह्वान गरेको छ । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चिप निर्यातमा वृद्धिसँगै दक्षिण कोरियाको आर्थिक सम्भावना बलियो
२०८३ मंग्सिर ३, बिहिबार
उद्यमशीलतायुक्त सांस्कृतिक गाउँको यात्रामा बेनीकोट
२०८३ मंग्सिर ३, बिहिबार
आणविक हतियार र दुई युद्धको मुद्दासहित ट्रम्पले सी र पुटिनसँग भेटवार्ता गर्दै
२०८३ मंग्सिर ३, बिहिबार
भीमफेदीमा सुमो दुर्घटना हुँदा तीन जनाको मृत्यु, सात घाइते
२०८३ मंग्सिर ३, बिहिबार
जसपाबाट निर्वाचित उपप्रमुख, उपाध्यक्ष र वडाध्यक्षसहित १८ जनाको पद चैट
२०८३ मंग्सिर ३, बिहिबार
जलवायु परिवर्तन र हिमाली संरक्षणमा नेपाल–भारत सहकार्य गर्ने प्रतिबद्धता
२०८३ मंग्सिर ३, बिहिबार
राप्तीसोनारीका दश परिवारलाई जग्गाधनी प्रमाणपुर्जा वितरण
२०८३ मंग्सिर ३, बिहिबार