पुननिर्माणबारे सचेतनद्वारा अन्र्तक्रिया

विदुर । भुकम्प पछिको पुननिर्माण प्रक्रिया विद्यामान अबस्था र सामाजिक तथा साँस्कृतिक सवालहरू विषयक नितिगत संवाद सम्पन्न भएको छ । मंगलबार समाज सचेतन केन्द्र नुवाकोटको आयोजनामा सचेतन सभाहलमा कार्यक्रम आयोजना गरिएको थियो ।

केन्द्रका अध्यक्ष यमकुमार खातीको अध्यक्षतामा छलफल भएको कार्यक्रममा अन्तरा्िष्ट्रय गैरसरकारी संस्थाहरूको र जन प्रतिनिधिको रोहवरमा भुकम्प पछिको पुननिर्माण प्रक्रियाको विद्यामान अबस्थाबारे छलफल हुनुले अनुदान र निर्माण प्रक्रियामा सहजीकरण भै कार्यान्वयनमा सहजता हुने अध्यक्ष खातीले जानकारी दिनुभयो ।

कार्यक्रममा प्रमुख अतिथि पुर्व सांसद राजेन्द्रप्रकाश लोहनीले भुकम्प पछिको पुननिर्माण प्रक्रिया छिटोभन्दा छिटो सम्पन्न गर्ने दाईत्व स्थानीय सरकारले बुझेर कार्य गर्न सुझाव दिनुभयो । जिल्ला समन्वय समिति नुवाकोटका उप प्रमुख, अप्सरा थापाले पुननिर्माण प्रक्रिया छिटो गराउन सबै क्षेत्र सचेत भै लाग्नुपर्छ भन्ने भनाइ रहेको छ ।

भुकम्प पछिको पुननिर्माण प्रक्रिया विद्यामान अबस्था र सामाजिक तथा साँस्कृतिक सवालहरू विषयक कार्यपत्र केन्द्रका घनेन्द्र रिजालले प्रस्तुत गरेका थिए । कार्यपत्रमा उल्लेखित नितिगत सवालमा व्यापक छलफल भएको थियो ।

जिल्ला आयोजना कार्यनयन इकाईका प्रमुख बिकी लाखाले छलफलमा उठेका प्रश्नहरूको जवाफमा सुझाव लिई प्रस्ट्याएका थिए ।

नुवाकोट जिल्ला खेलकुद समितिका अध्यक्ष बुद्धि प्रधान, दुप्चेश्वर गाउँ कार्यपालिकाका प्रशासकीय अधिकृत रामहरि गजुरेल, पञ्चकन्या १ का वडा अध्यक्ष मणि लामिछाने, विदुर नगरकार्यपालिका ६ का वडा अध्यक्ष राजु सडौला एवं अन्तर्रा्ष्ट्रिय गैरसरकारी संस्थाहरूको छलफलमा सकृयतापुर्वक सहभागी जनाएको केन्द्रका सचिव हरिराम भण्डारीले जानकारी दिएका छन् ।