मंग्सिर ३, २०८३ बिहिबार November 19, 2026

आफ्नो देश बिरूद्द लागेकाे भन्दै चीनले ३२३ ताइवानी गाेप्य नाम संकलन

यदि कोही दोषी प्रमाणित भएमा उसलाई मृत्युदण्डको सजाय हुन सक्ने

शेयर गर्नुहोस:
फन्ट परिवर्तन गर्नुहोस: अ अ अ

बेइजिङ, १५ चैत । चीनले आफु बिरूद्द लागिरहेकाको सुचना संकलन गर्दै गोप्य इमेल आइडी जारी गरेको छ ।

जसमा ताइवानलाई स्वतन्त्र भएको हेर्न चाहनेहरूका बारेमा जानकारी उपलब्ध गराउन भनिएको थियो, जो अहिले चीनका विरुद्ध काम गरिरहेका छन् ।

सीजीटीएनका अनुसार अहिलेसम्म उक्त मेल आइडीमा ३२३ जनाको नाम आएको छ । चीनमा देशद्रोहको सजाय मृत्युदण्ड हो। अब यी व्यक्तिहरु विरुद्ध अनुसन्धान हुनेछ। यदि कोही दोषी प्रमाणित भएमा उसलाई मृत्युदण्डको सजाय हुन सक्ने चीनले जनाएको छ ।

स्टेट काउन्सिलको ताइवान मामिला कार्यालयका प्रवक्ता चेन बिन्हुआले भने कि रिपोर्ट गरिएकाहरूमा केही ताइवानी राजनीतिक व्यक्तित्वहरू, संगठन प्रायोजकहरू र ‘ताइवान स्वतन्त्रता’ को वकालत गर्ने इन्टरनेट प्रभावकारहरूको नाम समावेश रहेको जनाइएको छ ।

आधारहीन आरोपहरू मार्फत विपक्षीहरूलाई दबाउन, चीनको एकीकरणको समर्थनमा सङ्गठनहरू विघटन गर्ने धम्की र ताइवानमा बसोबास गर्ने मुख्य भूमिमा जन्मेका पति–पत्नीहरूको वैध अधिकार र हितलाई स्पष्ट रूपमा उल्लङ्घन गर्ने जस्ता गम्भीर गतिविधिहरू इमेलहरूमा पर्दाफास भएको उनले बताएका छन् ।

चेनले भनेका छन् कि सम्बन्धित चिनियाँ अधिकारीहरूले तथ्यका आधारमा कारबाही गर्नेछन् र कानूनको पालना गराउने छन । ‘ताइवान स्वतन्त्रता’ गतिविधिका दोषी र सहयोगीहरूलाई जवाफदेही बनाउने छन्। अनुसन्धानपछि ३२३ जनामाथि लागेको आरोप सत्य प्रमाणित भएमा मृत्युदण्डको सजाय हुन सक्ने पनि उनले चेतावनी दिएका छन् ।

चीन र ताइवानबीच तनाव जारी छ। चीनले ताइवानलाई आफ्नो हिस्सा मान्छ भने ताइवानले आफूलाई छुट्टै देश भनिरहेको छ । ताइवानले चीनबाट स्वतन्त्रताका लागि निरन्तर संघर्ष गरिरहेको छ। यद्दपी, विश्वका अधिकांश देशले ताइवानलाई चीनको विशेष अंग मान्छन्।

तर, हालै चीनसँगको ठूलो तनावका कारण अमेरिकाले ताइवान सरकारलाई धेरै सहयोग गरेको छ जसको चीनले विरोध गर्दै आएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चिप निर्यातमा वृद्धिसँगै दक्षिण कोरियाको आर्थिक सम्भावना बलियो
२०८३ मंग्सिर ३, बिहिबार
उद्यमशीलतायुक्त सांस्कृतिक गाउँको यात्रामा बेनीकोट
२०८३ मंग्सिर ३, बिहिबार
आणविक हतियार र दुई युद्धको मुद्दासहित ट्रम्पले सी र पुटिनसँग भेटवार्ता गर्दै
२०८३ मंग्सिर ३, बिहिबार
भीमफेदीमा सुमो दुर्घटना हुँदा तीन जनाको मृत्यु, सात घाइते
२०८३ मंग्सिर ३, बिहिबार
जसपाबाट निर्वाचित उपप्रमुख, उपाध्यक्ष र वडाध्यक्षसहित १८ जनाको पद चैट
२०८३ मंग्सिर ३, बिहिबार
जलवायु परिवर्तन र हिमाली संरक्षणमा नेपाल–भारत सहकार्य गर्ने प्रतिबद्धता
२०८३ मंग्सिर ३, बिहिबार
राप्तीसोनारीका दश परिवारलाई जग्गाधनी प्रमाणपुर्जा वितरण
२०८३ मंग्सिर ३, बिहिबार