मंग्सिर ३, २०८३ बिहिबार November 19, 2026

पुटिन भारत आउनु अघि नै मोदी रूस जान सक्ने

रुसी राष्ट्रपति भ्लादिमिर पुटिनले यस वर्षको अन्त्यसम्ममा भारत भ्रमण गर्ने

शेयर गर्नुहोस:
फन्ट परिवर्तन गर्नुहोस: अ अ अ

मस्को, २८ चैत । रुसी सरकारले प्रधानमन्त्री नरेन्द्र मोदीलाई मे ९ मा मस्कोमा ८०औँ विजय दिवस समारोहमा सहभागी हुन औपचारिक निमन्त्रणा दिएको छ।

यो समारोह दोस्रो विश्वयुद्धमा नाजी जर्मनीमाथि सोभियत संघको विजयको प्रतीक हो। सञ्चारमाध्यमका अनुसार रुसका उप विदेशमन्त्री एन्ड्रे रुदेन्कोले नयाँ दिल्लीमा औपचारिक निमन्त्रणा पठाइएको र उच्चस्तरीय भ्रमणको तयारी अहिले भइरहेको पुष्टि गरेका छन् ।

रुसको सरकारी समाचार एजेन्सी टासलाई उद्धृत गर्दै रुडेन्कोले भनेका छन्, ‘यसमा काम जारी छ, यो यसै वर्ष हुनुपर्छ । उनले निमन्त्रणा पाएका छन् ।’

मस्कोको प्रतिष्ठित रेड स्क्वायरमा आयोजना हुने वार्षिक सैन्य परेडमा सहभागी हुन रुसले विभिन्न मित्र राष्ट्रका नेताहरूलाई पनि यस्तै निमन्त्रणा गरेको उप विदेश मन्त्रीले बताए।

तर, भारतले भने सो परेडमा सामेल हुन प्रधानमन्त्री मोदी भन्दा रक्षामन्त्री राजनाथ सिंहले मे ९ मा विजय दिवस परेडमा भारतको प्रतिनिधित्व गर्नेछन्। यसको मतलब प्रधानमन्त्री मोदी व्यक्तिगत रूपमा उपस्थित हुने सम्भावना नरहेको जनाइएको छ। तर, कुनै टुंगो भने भइसकेको छैन् ।

गत महिना मस्कोले पुष्टि गरेको थियो कि रुसी राष्ट्रपति भ्लादिमिर पुटिनले यस वर्षको अन्त्यसम्ममा भारत भ्रमण गर्ने छन्। रुसले फेब्रुअरी २०२२ मा युक्रेनमा पूर्ण मात्रामा आक्रमण गरे पछि यो उनको पहिलो भारत भ्रमण हुनेछ।

पुटिनको भ्रमणको मिति तय नभए पनि दुई नेताबीच द्विपक्षीय भेटघाट र नियमित टेलिफोन वार्ताका माध्यमबाट बारम्बार कूटनीतिक सम्पर्क कायम भने रहेको छ । प्रधानमन्त्री मोदीले अन्तिम पटक जुलाई २०२४ मा रूसको भ्रमण गरेका थिए, नयाँ पाँच वर्षे कार्याकाल सुरू भएपछि उनको यो पहिलो बिदेशको भ्रमण थियो।

यसअघि मोदी सन् २०१९ को आर्थिक सम्मेलनमा भाग लिन भ्लादिभोस्तोक गएका थिए । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
जसपाबाट निर्वाचित उपप्रमुख, उपाध्यक्ष र वडाध्यक्षसहित १८ जनाको पद चैट
२०८३ मंग्सिर ३, बिहिबार
जलवायु परिवर्तन र हिमाली संरक्षणमा नेपाल–भारत सहकार्य गर्ने प्रतिबद्धता
२०८३ मंग्सिर ३, बिहिबार
राप्तीसोनारीका दश परिवारलाई जग्गाधनी प्रमाणपुर्जा वितरण
२०८३ मंग्सिर ३, बिहिबार
कोप-३१ सम्म जलवायु लक्ष्य कार्यान्वयनमा तीव्रता दिन आग्रह
२०८३ मंग्सिर ३, बिहिबार
आजका लागि तोकियो विदेशी मुद्राको विनिमयदर
२०८३ मंग्सिर ३, बिहिबार
स्थानीय निर्वाचनसम्बन्धी एमालेको १३ बुँदे कार्ययोजना
२०८३ मंग्सिर ३, बिहिबार
दानबहादुरको मुद्दालाई अग्राधिकार
२०८३ मंग्सिर ३, बिहिबार