श्रावण २८, २०८३ बिहिबार
August 13, 2026
युग खबर
२०७७ भाद्र ४, बिहिबार
काठमाण्डौंः नेपाल एयरलाइन्सको पाइलट हुँ भनि प्रलोभनमा पारी महिलाहरुको साथमा रहेको सुनको गर गहनाहरु लुटपाट गर्ने एक जनालाई प्रहरीले नियन्त्रणमा लिएको छ ।
बिगत १ बर्ष अगाडी देखि रोहिन जंग शाह नामबाट फेसबुक चलाई सोही माध्यमबाट महिलाहरुलाई साथी बनाई उनले गर गहनाहरु लुटपाट गर्ने गरेका थिए ।
विशेष सुचनाका आधारमा खटिएको प्रहरी टोलीले जिल्ला मकवानपुर, नामटार- २ घर भई हाल काठमाण्डौ जिल्ला कागेश्वरी मनोहरा न.पा. वडा नं. ८ बस्ने बर्ष २३ को रोहिन जंग शाह भन्ने रबिन सुनुवारलाई मंगलबार उसकै डेराकोठावाट पक्राउ गरेको हो ।
प्रारम्भिक अनुसन्धानको क्रममा उनले केही महिलाहरुबाट अन्दाजी ११ तोला बाराबरको सुनका गहनाहरु र २ थान मोबाईल सेट समेत लुटपाट गरेको खुल्न आएको छ ।
सो सम्बन्धमा थप अनुसन्धान भईरहेको महानगरीय प्रहरी परिसरले जनाकारी दिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया