मंग्सिर ३, २०८३ बिहिबार November 19, 2026

४९ जना सवार रूसी जहाज सम्पर्कविहीन, साइबेरियाबाट उडेको जहाजको खोजी जारी

साइबेरियाबाट उडेको विमान हरायो, ४३ यात्रु र ६ चालक दलको खोजी शुरु

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं, साउन ८ । ४९ जना यात्रुहरू सवार एक रूसी विमान बिहीबारदेखि सम्पर्कविहीन बनेको छ। अन्तर्राष्ट्रिय समाचार संस्था एसोसिएटेड प्रेस (एपी) का अनुसार जहाज एयर ट्राफिक कन्ट्रोलको राडारबाट अचानक गायब भएको हो।

साइबेरियामा आधारित एन्गारा एयरलाइन्सको उक्त जहाज रूसको ब्लागोभेसचेन्स्कबाट उडान भरेर चीनसँग सिमाना जोडिएको अमुर क्षेत्रतर्फ जाँदै थियो।

क्षेत्रीय गभर्नर भासिली ओर्लोभले सामाजिक सञ्जाल टेलिग्राममार्फत जानकारी दिँदै भनेका छन्, “विमानमा ४३ जना यात्रु सवार थिए, जसमा ५ जना बालबालिका रहेका छन्। बाँकी ६ जना चालक दलका सदस्य हुन्।”

हाल विमानको खोज तथा उद्धार अभियान तीव्र रूपमा चलाइएको बताइएको छ। “सबै आवश्यक निकायहरू खोजी कार्यमा खटिइसकेका छन्,” गभर्नर ओर्लोभले टेलिग्राममा उल्लेख गरेका छन्।

यसबारे थप विवरण आउन बाँकी छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया