मंग्सिर ३, २०८३ बिहिबार November 19, 2026

अमेरिकी कर विवादबीच पुटिन र भारतीय सुरक्षा प्रमुखबीच भेटवार्ता

पश्चिमा गठबन्धनले भारतले रुसबाट तेल आयात गरेको तर्क गर्दै आएको छ

शेयर गर्नुहोस:
फन्ट परिवर्तन गर्नुहोस: अ अ अ

मस्को, २३ साउन (रासस/एएफपी): वासिङ्टनले मस्कोको तेल खरिदमा कर वृद्धि गरेको एक दिनपछि रुसी राष्ट्रपति भ्लादिमिर पुटिनले बिहीबार भारतका राष्ट्रिय सुरक्षा सल्लाहकारसँग भेटवार्ता गर्नुभएको छ ।

अमेरिकी राष्ट्रपति डोनाल्ड ट्रम्पले रुसलाई युक्रेनको व्यापार साझेदारलाई प्रभावित गरेर युक्रेनमाथिको आक्रमण अन्त्य गर्न दबाब दिने अभियानअन्तर्गत तीन हप्ताभित्र लागू हुने गरी भारतीय सामानमा थप २५ प्रतिशत कर लगाउनुभएको छ ।

मस्कोको तेल राज्य बजेटको लागि राजस्वको एक प्रमुख स्रोत हो भने भारत रूसी तेलको एक प्रमुख खरीददार हो।

रूस भारतको शीर्ष हतियार आपूर्तिकर्तामध्ये एक हो र दुई देशबीचको न्यानो सम्बन्ध सोभियतकालदेखिको हो ।

क्रेमलिनले पुटिनले अजित डोभालसँग हात मिलाएको फुटेज सार्वजनिक गरेको छ।

यसअघि मस्कोमा भएको भेटमा डोभालले पुटिनको भारत भ्रमणको मिति लगभग तय भइसकेको बताउनुभएको थियो ।

क्रेमलिनले रुससँग व्यापारिक सम्बन्ध तोड्न देशहरूलाई बाध्य पार्ने आह्वानलाई ‘अवैध’ भन्दै ट्रम्पको प्रत्यक्ष उल्लेख गरेको छैन।

सन् २०२२ को फेब्रुअरीमा मस्कोले सैन्य आक्रमण सुरु गरेयता युक्रेनका पश्चिमी मित्रराष्ट्रहरूले रुसको निर्यात आयमा कटौती गर्न खोजेका छन् । तर रुसले युरोपबाट भारत र चीनलगायत देशहरूमा ऊर्जा बिक्रीलाई पुनर्निर्देशित गर्न सक्षम भएको छ, जसले अर्बौँ डलरको कोषको प्रवाहलाई जारी राखेको छ ।

पश्चिमा गठबन्धनले भारतले रुसबाट तेल आयात गरेको तर्क गर्दै आएको छ किनभने द्वन्द्व सुरु भएपछि परम्परागत आपूर्तिलाई युरोपतर्फ ‘डाइभर्ट’ गरिएको थियो । एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया