मंग्सिर ३, २०८३ बिहिबार November 19, 2026

इजरायलको आर्थिक वृद्धिदर घट्दै

जुन महिनामा इजरायल र इरानबीच भएको १२ दिन लामो युद्धले देशको आर्थिक गतिविधिमा गम्भीर अवरोध

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौं, २ भदाै (रासस/सिन्ह्वा): इजरायलको केन्द्रीय तथ्यांक ब्युरोले आइतबार सार्वजनिक गरेको तथ्यांक अनुसार, देशको कुल गार्हस्थ उत्पादन (जीडीपी) सन् २०२५ को दोस्रो त्रैमासिकमा वार्षिक दरमा ३.५ प्रतिशतले घटेको छ।

व्यवसाय क्षेत्र सबैभन्दा प्रभावित भएको देखिएको छ, जसले दोस्रो त्रैमासिकमा ६.२ प्रतिशतले गिरावट भोग्यो। पहिलो त्रैमासिकमा यो क्षेत्रमा ४.४ प्रतिशतको वृद्धि भएको थियो।

निजी उपभोग खर्च लगातार दोस्रो त्रैमासिकमा पनि ४.१ प्रतिशतले घटेको छ भने भवन र उपकरणजस्ता स्थायी सम्पत्तिमा गरिएको लगानीमा १२.३ प्रतिशतको तीव्र गिरावट आएको छ।

ब्युरोका अनुसार, जुन महिनामा इजरायल र इरानबीच भएको १२ दिन लामो युद्धले देशको आर्थिक गतिविधिमा गम्भीर अवरोध पुर्‍याएको थियो।

यसअघि पहिलो त्रैमासिकमा इजरायलको जीडीपी वार्षिक ३.४ प्रतिशतले वृद्धि भएको थियो। तर जुलाईमा इजरायली केन्द्रीय बैंकले २०२५ का लागि आफ्नो जीडीपी वृद्धि पूर्वानुमान ३.५ प्रतिशतबाट घटाएर ३.३ प्रतिशतमा ल्याएको थियो।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया