मंग्सिर ३, २०८३ बिहिबार November 19, 2026

इरानी रक्षामन्त्रीको दावी, ‘हामीले धेरै देशमा हतियार कारखाना खोलेका छौं’

इजरायलसँगको युद्ध पछि प्राथमिकताहरू परिवर्तन हुँदै गएको खुलाशा

शेयर गर्नुहोस:
फन्ट परिवर्तन गर्नुहोस: अ अ अ

तेहरान, ९ भदौं । हालै इरान र इजरायलबीच भीषण युद्ध भएको थियो ।

यो १२ दिन सम्म चलेको युद्ध थियो, जसमा दुवै देशले १३ जुनदेखि २४ जुन २०२५ सम्म भारी बमबारी गरेका थिए। त्यसको सुरुवात इजरायलले १३ जुन २०२५ मा गरेको थियो।

जसले इरानका ठूला सैन्य र आणविक अड्डाहरूमा भारी बमबारी गरेको थियो। त्यसपछि इरानले पनि जवाफी कारबाही गर्दै इजरायललाई ठूलो क्षति पु¥याएको थियो । यस युद्धका क्रममा अमेरिकाले इरानका ३ आणविक केन्द्रमा आक्रमण गरेको दाबी गरेको थियो । यसपछि इरानले पनि कतारमा रहेको अमेरिकी आधार शिविरमा मिसाइल प्रहार गरेको थियो । यो युद्धले विश्वव्यापी तनाव बढाएको थियो।

तर, जुन २४ मा युद्धविराममा सहमति भएको थियो । यस युद्धमा इरानको सैन्य क्षमता पनि प्रकट भएको थियो। अब इरानका रक्षामन्त्रीले यस्तो दाबी गरेका छन् जसले इजरायल र अमेरिकाबीच थप तनाव बढाएको छ ।

वास्तवमा, इरानका रक्षामन्त्री अजिज नासिरजादेह भन्छन् कि इस्लामिक देशले धेरै देशहरूमा हतियार कारखानाहरू स्थापना गरेको छ। यसका लागि उत्पादन सुविधा स्थापना गरिएको छ । ती देशको नाम नलिए पनि नासिरजादेहले इरानको प्राथमिकतामा क्षेप्यास्त्रको विकास भइरहेको बताएका छन् । इजरायलसँगको युद्ध पछि प्राथमिकताहरू परिवर्तन हुँदै गएको उनले जनाएका हुन् ।

नासिरजादेहको यो भनाइ इरानको समाचार एजेन्सी योंग जर्नलिस्ट क्लबसँगको अन्तर्वार्ताका क्रममा चर्चामा आएको हो । टाइम्स अफ इजरायलको रिपोर्टका अनुसार रक्षामन्त्रीले भने अनुसार अन्य देशमा इरानले हतियार उत्पादन गर्ने कारखाना छिट्टै उद्घाटन गर्न सकिने बताएको छ ।

यस हिसाबले रक्षामन्त्रीको भनाइ सत्य हो भने यो इजरायल र अमेरिकाका लागि ठूलो तनावको विषय हुनेछ किनभने दुवै देशले इरानको परमाणु बम बनाउने निर्णयको विरोध गर्दै आएका छन् । इरानी रक्षा मन्त्रीले भने कि इरानले आफ्नो नवीनतम हतियार कासिम बसिर मिसाइलको अझै प्रयोग गरेको छैन्। यो इरानको सबैभन्दा सटीक हतियार मानिन्छ। यो ब्यालेस्टिक मिसाइलको दायरा १२ सय किलोमिटरसम्म रहेको मानिन्छ ।

तर, हालै इरानले समुन्द्रमा नौसेना अभ्यास गरेको छ । इरानले ओमानको खाडी र उत्तरी हिन्द महासागरमा क्रुज मिसाइलको परीक्षण गरेको हो। इजरायल सँगको द्वन्द्वपछि इरानको यो पहिलो सैन्य अभ्यास थियो।  एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया