असार २८, २०८३ आइतबार
July 12, 2026
युग खबर
२०८२ मंग्सिर १६, मंगलबार
काठमाडौं, १६ मंसिर । नेपाली कम्युनिष्ट पार्टी (नेकपा) ले यही मंसिर २० गते जनकपुरमा ‘एकता सन्देशसभा’ आयोजना गर्ने भएको छ। पार्टीका नेता महिन्द्र राय यादवका अनुसार सभाका सबै तयारी पूरा भइसकेका छन्।
आज जनकपुरमा आयोजित पत्रकार सम्मेलनमा नेता यादवले जनकपुरको तिरहुतियामा भव्य सभा हुने जानकारी दिए। सो सभामा नेकपाका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपाललगायत शीर्ष नेताहरूले सम्बोधन गर्ने कार्यक्रम छ।
यसअघि सोमबार विराटनगरमा नेकपाको सन्देशसभा सम्पन्न भएको थियो। जनकपुरको सभालाई संगठन तथा शक्ति प्रदर्शनका हिसाबले थप ठूलो बनाउने योजनाअनुसार ४० हजारभन्दा बढी नेता तथा कार्यकर्ता सहभागी गराइने तयारी रहेको यादवले बताए।
नेकपाले देशका विभिन्न स्थानमा आयोजित सन्देशसभामार्फत पार्टी एकता र राजनीतिक दिशाबारे जनस्तरमा सन्देश प्रवाह गरिरहेको जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया