श्रावण २२, २०८३ शुक्रबार
August 7, 2026
युग खबर
२०८२ पुष २२, मंगलबार
काठमाडौं । नेपाली कांग्रेसले राष्ट्रिय सभाको निर्वाचनमा नेकपा (एमाले)लगायतका दलहरूसँग गठबन्धन गर्ने भएको छ ।
सोमबार पार्टी मुख्यालय सानेपामा बसेको केन्द्रीय कार्यसम्पादन समिति बैठकमा नेकपा (एमाले), नेपाली कम्युनिष्ट पार्टी, जसपालगायतका दलसँग तालमेल गर्ने विषयमा छलफल भएको हो । कांग्रेसबाट कार्यवाहक सभापति पूर्णबहादुर खड्का र नेता रमेश लेखकले दलहरूसँग छलफल गर्नुभएको छ ।
सोमबार बिहान गुण्डुमा पुगेर एमाले अध्यक्ष केपी शर्मा ओलीसँग तालमेलबारे कुराकानी गरेको जानकारी कार्यवाहक सभापति खड्काले बैठकमा दिनुभएको थियो । दलहरूबीच तालमेल गर्ने विषयमा सैद्धान्तिक सहमति जुटे पनि कुन दलले कति सिट लिने भन्ने विषय टुङ्गिएको छैन ।
नेपाली कांग्रेसले राष्ट्रिय सभाका रिक्त १९ सिटमा हुन लागेको चुनाव मध्ये ८ सिट दाबी गर्ने गरेको छ । तर सात सिटमा सहमति हुन सक्ने नेताहरूले बताएका छन् । एमालेलाई ६ र नेकपालाई ४ तथा जसपा नेपाललाई एक सिट दिने गरी गठबन्धन गर्ने गृहकार्य अघि बढिसकेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया