कार्तिक २५, २०८३ बुधबार
November 11, 2026
युग खबर
२०८२ माघ १, बिहिबार
काठमाडौं । प्रधानमन्त्री सुशीला कार्कीले काठमाडौंको टुँडीखेलमा मगर समूदायले आयोजना गरेको माघे संक्रान्ति महोत्सवमा सहभागी भइ शुभकामना दिएकी छन्।
बिहीबार नेपाल मगर संघ केन्द्रीय समितिले टुँडीखेलमा आयोजना गरेको मगर सङ्क्रान्ति महोत्सवमा सहभागी भएर प्रधानमन्त्री कार्कीले शुभकामना दिएकी हुन्।
सो क्रममा प्रधानमन्त्री कार्कीले विविधता र बहुलताबीचको एकताले नै नेपाल राष्ट्रलाई समृद्ध, सशक्त र गौरवपूर्ण बनाएको बताइन्। आफ्ना मौलिक संस्कृति, चाड, पर्व र पहिचानमा सबैले गर्व गर्दै तिनको संरक्षण, सम्बद्र्धन र प्रवद्र्धन गर्नुपर्नेमा उनले जोड दिइन्।
प्रधानमन्त्री कार्कीले पर्वहरूले नेपालीबीच आपसी प्रेम, सद्भाव, सहिष्णुता र एकताको भावना मजबूत बनाउँदै आएको समेत बताइन्।
उनले मुलुकका मौलिक पर्वहरुले सबैलाई एकबद्ध भएर शान्ति, स्थायित्व र समृद्धितर्फ अघि बढ्न प्रेरणा प्रदान गर्ने विश्वास व्यक्त गरे।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया