संसद सचिवालयद्धारा सर्वदलीय बैठक आव्हान

काठमाडौं । संघीय संसद् सचिवालयले दलहरूबीच सहमति जुटाउँदै सदनको कामकारबाहीलाई प्रभावकारी बनाउने उद्देश्यले आज सर्वदलीय बैठक आह्वान गरेको छ। बिहान ११ बजे बस्ने तय भएको उक्त बैठकमा प्रतिनिधिसभाको आगामी कार्यसूची निर्धारणका विषयमा विस्तृत छलफल हुने बताइएको छ।

बैठकमा विशेषगरी प्रतिनिधिसभाको पहिलो बैठकमा पेस भएका तीनवटा अध्यादेशहरूलाई स्वीकृतिका लागि अघि बढाउने तयारी रहेको छ। ती अध्यादेशहरूलाई कसरी र कहिले सदनमा प्रस्तुत गर्ने भन्ने विषयमा दलहरूबीच सहमति जुटाउने प्रयास गरिने संसद् सचिवालयले जनाएको छ।

यसका साथै, सदनको कार्यसम्पादनलाई व्यवस्थित, समयानुकूल र प्रभावकारी बनाउन ‘कार्यव्यवस्था परामर्श समिति’ गठन गर्ने विषय पनि बैठकको मुख्य एजेन्डामा रहेको छ। उक्त समितिले संसद्को कार्यतालिका निर्माण, समय व्यवस्थापन तथा विधेयकहरूमाथि छलफललाई सुव्यवस्थित गर्ने अपेक्षा गरिएको छ।

सर्वदलीय बैठकलाई आगामी संसदीय गतिविधिको दिशा तय गर्ने महत्वपूर्ण अवसरका रूपमा हेरिएको छ। दलहरूबीच सहमति कायम भए संसद्को कामकारबाही सहज र प्रभावकारी रूपमा अघि बढ्ने विश्वास व्यक्त गरिएको छ।