लायन्स डिस्ट्रिक ३२५ ‘के’ नेपालको गभर्नरमा रमेश अधिकारी निर्वाचित

काठमाडौँ । लायन्स इन्टरनेशनल डिस्ट्रिक्ट ३२५ ‘के’ नेपालमा नयाँ नेतृत्व चयन भएको छ। राजधानीमा सम्पन्न चौथो राष्ट्रिय अधिवेशनबाट रमेश अधिकारी गभर्नरमा निर्वाचित भएका छन्। लायन बर्ष २०२६-२७का लागि सम्पन्न अधिवेशनले नयाँ नेतृत्वसहित संगठनलाई थप सशक्त बनाउने अपेक्षा गरिएको छ।

अधिवेशनबाट फस्ट भाइस डिष्ट्रिक गभर्नरमा बिष्णुहरी फुयाल र सेकेन्ड भाइस डिष्ट्रिक गभर्नरमा हसन कुमार गोपाली निर्वाचित भएका छन्। नवनिर्वाचित गभर्नर अधिकारीले आफ्नो क्याबिनेट टिम घोषणा गर्दै संगठनलाई प्रभावकारी ढंगले अघि बढाउने प्रतिबद्धता समेत व्यक्त गरेका छन्।

घोषित क्याबिनेटअनुसार डिस्ट्रिक क्याबिनेट सेक्रेटरीमा गणेश जिशी र कोषाध्यक्षमा चुडामणी सिलवाल मनोनित भएका छन्। साथै डिस्ट्रिक्ट एक्जक्यूटिभ काउन्सिलरमा ज्ञानु बुर्लाकोटी, डिस्ट्रिक्ट चिफ एडभाइजरमा मिनराज काफ्ले, पीआरओ इन चिफमा सुरेन्द्र बाबु श्रेष्ठ, चिफ एडमिनिस्ट्रेटरमा मुना थापा तथा गर्भनर थीम चिफमा श्रीकृष्ण मानन्धरलाइ मनोनयन गरिएको छ।

यसैगरी डिस्ट्रिक्ट चिफ एओजीमा महेश पौडेल, मिसन १.५ चिफमा महाप्रसाद पाण्डे, चिफ एक्जक्यूटिभ एडभाइजरमा काजीमान गुरुङ र चिफ एक्जक्यूटिभ को-अर्डिनेटरमा बसन्त गिरीलाई जिम्मेवारी दिइएको छ। नयाँ टिमले सामाजिक सेवा, नेतृत्व विकास र समुदाय केन्द्रित कार्यक्रमलाई प्राथमिकता दिने गर्भनर अधिकारीले बताएका छन् ।