मंग्सिर २, २०८३ बुधबार November 18, 2026

इरानी नेता खामेनीको अन्त्येष्टी भोलीवाट, दुई देशमा हुनेछ शवयात्रा

शनिबार अली खामेनीको पार्थिव शरीरलाई सार्वजनिक दर्शनका लागि तेहरानको ‘ग्रान्ड मोसाल्ला’मा राखिने

शेयर गर्नुहोस:
फन्ट परिवर्तन गर्नुहोस: अ अ अ

तेहरान, १९ असार  । इरानका पूर्व सर्वोच्च नेता स्वर्गीय आयातोल्लाह अली खामेनीको राजकीय अन्त्येष्टि यात्रा भोलीवाट अर्थात जुलाई ४ वाट सुरु हुदैँछ र उनलाई जुलाई ९ मा अन्तिम बिदाइ गरिनेछ। यो यात्रा दुई देशका विभिन्न सहरहरू हुँदै अघि बढ्ने भएको छ ।

छनोट गरिएका सहरहरूले इस्लामिक गणतन्त्र इरानको धार्मिक, राजनीतिक र वैचारिक आधारहरूलाई प्रतिविम्बित गर्छन्। राजधानी तेहरानबाहेक कोम, कर्बला, नजफ र मशहदजस्ता सहरहरू शियाहरूका लागि निकै महत्त्वपूर्ण मानिन्छन् र खामेनीको अन्तिम यात्राका लागि विशेष रूपमा तिनको छनोट गरिएको छ। शनिबार अली खामेनीको पार्थिव शरीरलाई सार्वजनिक दर्शनका लागि तेहरानको ‘ग्रान्ड मोसाल्ला’मा राखिनेछ, उक्त मोसाल्लाको धार्मिक र राजनीतिक दुवै महत्त्व रहेको छ।

तेहरानका सडकहरू हुँदै अघि बढ्ने अन्त्येष्टि यात्राले राष्ट्रको राजनीतिक केन्द्रबिन्दुबाट गरिने अन्तिम बिदाइलाई सङ्केत गर्दछ किनभने यस क्षेत्रमा राष्ट्रपति, संसद्, न्यायपालिका, सैन्य मुख्यालय र राज्यका प्रमुख निकायहरूको कार्यालय अवस्थित रहेका छन्। यो यात्रा शोकको सार्वजनिक अभिव्यक्तिका साथै सङ्क्रमणकालीन अवस्थामा पनि देशको नेतृत्वको निरन्तरताको सङ्केत हो।

अली खामेनेईको अन्त्येष्टि यात्रा शिया धार्मिक शिक्षाको प्रमुख केन्द्र ‘कोम’ लगिनेछ। इरानको धार्मिक मामिलामा यस सहरको विशिष्ट स्थान छ, देशका सबैभन्दा प्रभावशाली धार्मिक शिक्षण संस्थाहरूको केन्द्रका रूपमा यसले पुस्तौँदेखि धर्मगुरुहरूलाई शिक्षित गर्दै आएको छ। खामेनेईको अन्त्येष्टि यात्रा कोम लैजाँदा वरिष्ठ धर्मगुरु तथा विद्यार्थीहरूलाई उनको अन्तिम यात्रामा सहभागी हुने अवसर प्राप्त हुनेछ।

इरानका सहरहरूका अतिरिक्त अली खामेनेईको अन्त्येष्टि यात्रा इराक पनि लगिनेछ, त्यहाँको कर्बला सहर शियाहरूका लागि सबैभन्दा पवित्र स्थलहरू मध्ये एक हो। यहाँ तेस्रो शिया इमाम, इमाम हुसेनको समाधिस्थल अवस्थित छ। खामेनेईको अन्त्येष्टि यात्रा कर्बला लैजाँदा इरानका लागि त्याग र दृढताको भावना अझ सुदृढ हुनेछ, जुन मूल्य मान्यताहरू इमाम हुसेनको विरासतमा गहिरोसँग जरा गाडेर बसेको छ ।

यसका साथै इराकको नजफमा खामेनीको अन्त्येष्टि यात्रा आयोजना गरिनेछ। यो सहर शिया इमाम अलीको मजार रहेको स्थल हो र शिया विद्वत्ताको क्षेत्रमा विश्वकै प्रतिष्ठित केन्द्रहरू मध्ये एक मानिन्छ। नजफमा यो कार्यक्रम आयोजना गरिनुले इरानको सीमाभन्दा बाहिर रहेका सम्पूर्ण शिया समुदायका लागि खामेनीको महत्त्वलाई उजागर गर्नेछ।

अली खामेनेईलाई इरानको पवित्र सहर मशहदमा अन्त्येष्टि गरिनेछ। यस सहरमा इमाम रेजाको मजार अवस्थित छ, जहाँ हरेक वर्ष लाखौं तीर्थयात्रीहरू आउने गर्छन्। अली खामेनेईको जन्म मशहदमा भएको थियो र उनले आफ्नो प्रारम्भिक जीवन त्यहीँ बिताएका थिए। एजेन्सी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
राप्रपाको महाधिवेशन नेतृत्व चयनमा मात्र सीमित हुनुहुँदैन : ज्ञानेन्द्र शाही
२०८३ मंग्सिर २, बुधबार
टेलिफोन पहुँचबाट वञ्चित हुनुपर्ने अवस्थाको चाँडै अन्त्य हुन्छ : सञ्चारमन्त्री डा. तिमिल्सिना
२०८३ मंग्सिर २, बुधबार
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
एमालेको राष्ट्रिय भेलाः जनजीवनदेखि पार्टीभित्रका समस्या केलाइँदै
२०८३ मंग्सिर २, बुधबार
प्रधानमन्त्री राहत कोषमा मौज्दात रकम साढे १८ अर्ब पुग्यो
२०८३ मंग्सिर २, बुधबार