यौनदुर्व्यवहारको आरोप लागेका सभामुख महराले दिए राजीनामा (पत्रसहित)

काठमाण्डौं: संघिय संसदका सभामुख कृष्णबहादुर महराले सभामुख पदबाट राजिनामा दिएका छन् ।

उपसभामुख डा. शिवमाया तुमहाम्फे समक्ष बुझाइएको राजीनामा पत्रमा उनले “आफ्नो  चरित्रमा गम्भिर प्रश्न उठाइ लगाइएको आरोपबारे सत्यतथ्य, निष्पक्ष र स्वतन्त्र छानबिनका लागी अनुसन्धान गर्न सहज होस भनी नैतिकताका आधारमा राजीनामा” दिएको उल्लेख गरेका छन् ।

यौनदुर्व्यवहारको आरोप लागेका महराले आफ्नै संसद सचिवालयमा कार्यरत स्वास्थ्य विभागकी महिला कर्मचारीलाइ बलात्कारको प्रयास गरेको खबर सञ्चारमाध्यममा भाइरल भएपछि २४ घण्टा नबित्दै राजिनामा दिएका हुन् ।

मंगलबार बिहान प्रधानमन्त्री निवाश बालुवाटारमा बसेको सचिवालय बैठकले महरालाई संसद र सभामुख दुबै पदबाट राजिनामा बुझाउन निर्देशन दिएको थियो ।

यद्दपी उनले पार्टी निर्णय बमोजिम  सभामुख पदबाट मात्र राजिनामा दिएका हुन् । उनको राजिनामा पत्रमा छानविन प्रक्रिया नसकिएम्मका लागि राजिनमा दिएको उल्लेख गरेका छन् । यसका सम्बन्धमा थप पुष्टी गर्दै उनका प्रेस सल्लाहकार डिल्ली मल्लले सभामुख पदबाटमात्र राजीनामा दिएको र पछि सभामुखकै जिम्मेवारीमा फर्कने बताएका थिए ।

सभामुख महराले उपसभामुख समक्ष बझाएको राजिनामा पत्रः