त्रिवि अनुदान आयोगको अध्यक्षमा प्रा.डा. खड्ग केसी नियुक्त

काठमाडौं । सरकारले विश्वविद्यालय अनुदान आयोगको अध्यक्षमा प्रा.डा. खड्ग केसीलाई नियुक्त गरेको छ।

बुधबार बसेको मन्त्रिपरिषद् बैठकले प्रा.डा. केसीलाई आयोगको अध्यक्षमा नियुक्त गर्ने निर्णय गरेको हो । शिक्षा क्षेत्रका अनुभवी प्राध्यापक तथा प्रशासकका रूपमा परिचित केसीको नियुक्तिसँगै आयोगले उच्च शिक्षाको गुणस्तर अभिवृद्धि, विश्वविद्यालयहरूको प्रभावकारी अनुगमन तथा समन्वयका कामलाई थप गति दिने अपेक्षा गरिएको छ।

नवनियुक्त अध्यक्ष केसी यसअघि त्रिभुवन विश्वविद्यालयका शिक्षाध्यक्ष (रेक्टर) का रूपमा कार्यरत थिए। उच्च शिक्षा, शैक्षिक प्रशासन, नीति निर्माण तथा विश्वविद्यालय व्यवस्थापनमा लामो अनुभव हासिल गरेका केसीले विभिन्न शैक्षिक तथा अनुसन्धानमूलक गतिविधिमा समेत महत्वपूर्ण योगदान दिएका छन्।