वीरगञ्जबाट बरामद साँढे २२ किलो सुनमा बीजेपी नेताका भाइ पनि संलग्न भएको खुलाशा

काठमाण्डाैंः पर्साको वीरगञ्जबाट प्रहरीले बरामद गरको साँढे २२ किलो सुनमा भारतको रक्सौलका बीजेपी नेताका भाइ संलग्न भएको पाइएको छ ।

प्रहरीले वीरगन्जबाट महानगरपालिकाको श्रीगणेश अपार्टमेन्टबाट साढे २२ किलो सुन बरामद गरेको थियो । उक्त प्रकरणमा बिजेपी नेता प्रमोदकुमार सिन्हाका भाइको संग्लनता रहेको खुलेको हो ।

पर्सा प्रहरीले भारत पूर्वी चम्मपारण हरैया बस्ने अशोक सिन्हाको बस्ने फ्ल्याटबाट सुन बरामद भएको जनाएको थियो । तर सुनसँग कोही पनि पक्राउ परेका थिएनन् । भारतीय सञ्चारमाध्यमका अनुसार अशोक सिन्हा बिहारको चुनावमा बिजेपीका तर्फबाट प्रत्यासीका रुपमा हेरिएका प्रमोदकुमार सिन्हाका भाइ हुन् ।

प्रहरीले २ घण्टा बढी अपरेसन चलाएर सुन बरामद गरेको थियो । सुनबारे अनुसन्धान भइरहेको प्रहरीले जनाएको थियो ।