महराद्धारा सबै सुरक्षाकर्मी र गाडी फिर्ता  

काठमाण्डौँ: यौन काण्डमा संलग्न भएको आरोप लागी सभामुख पदबाट राजीनामा दिएका कृष्णबहादुर महराले अन्ततः सरकारी सुविधाको रूपमा पाएको सबै सुरक्षाकर्मी र गाडी फिर्ता गरेका छन् ।

निवर्तमान सभामुख महराले सरकारी सुविधाबमोजिम प्रयोग गर्दै आएका सवारी साधन र सुरक्षागार्ड विहिबार फिर्ता गरेका हुन् ।

महराले प्रयोग गर्दै आएको बा २ झ १२६८ नम्बरको सरकारी सुविधाको गाडी सँगै क्याप्टेनको नेतृत्वमा खटिएको डेढ दर्जन सैनिक तथा प्रहरी निरिक्षकको नेतृत्वमा खटिएको १ दर्जन प्रहरीहरू पनि बिहिबार नै फिर्ता गरेका हुन् ।