प्रतिनिधिसभाको आजको बैठक बस्दै नबसी स्थगित

काठमाण्डौं । प्रतिनिधिसभाको आजको बैठक स्थगित गरिएको छ । सभामुख डिपी अर्यालको सासुआमाको निधन भएकाले दिउँसो १ बजे डाकिएको बैठक स्थगित गरिएको उनको निजी सचिवालयले जनाएको छ ।

सभामुख अर्याल हिजो बेलुकी आफ्नै उपचारका लागि केही घण्टा अस्पताल भर्ना भएर फर्केका थिए । छातीमा समस्या देखिएपछि उनी हिजो बेलुकी साढे ७ बजे महाराजगञ्जस्थित त्रिभुवन विश्वविद्यालय शिक्षण अस्पतालको कार्डियोभास्कुलर तथा ट्रान्सप्लान्ट सेन्टरअन्तर्गत सीसीयूमा भर्ना भएका थिए ।

क्याबिन नम्बर २१५ मा राखेर उपचार गरेपछि उनलाई राति पौने १० बजे डिस्चार्ज गरिएकोे थियो ।