भाद्र २६, २०८३ शुक्रबार
September 11, 2026
युग खबर
२०८३ भाद्र २६, शुक्रबार
काठमाडौँ । नेकपा एमालेको पार्टी पुनर्गठनका लागि गठित कार्यदलको बैठक पार्टी केन्द्रीय कार्यालय च्यासलमा सुरु भएको छ।
बैठकमा पार्टी पुनर्गठनका लागि विभिन्न प्रदेशमा सञ्चालन गरिएको समीक्षा तथा सुझाव संकलनबाट प्राप्त निष्कर्ष समेटिएका प्रतिवेदनमाथि छलफल भइरहेको छ।
कार्यदलका संयोजक रामबहादुर थापा र महासचिव शंकर पोखरेलले छुट्टाछुट्टै तयार पारेका प्रतिवेदन बैठकमा प्रस्तुत गरी छलफल गरिने बताइएको छ।
पार्टीले गत २१ फागुनमा सम्पन्न निर्वाचनमा अपेक्षित परिणाम हासिल गर्न नसकेपछि संगठनको अवस्था, निर्वाचन परिणाम र आगामी कार्यदिशाबारे प्रदेशस्तरमा समीक्षा तथा सुझाव संकलन कार्यक्रम सञ्चालन गरेको थियो।
उक्त अभियानबाट प्राप्त सुझावका आधारमा तयार पारिएका प्रतिवेदनमाथि कार्यदलले छलफल गरी पार्टी पुनर्गठनका लागि आवश्यक सुझाव तथा आगामी कार्यदिशा तय गर्ने तयारी गरेको नेताहरूले बताएका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया