सुमन वैरागीको ‘गालैको कोठी’ बजारमा (भिडियोमा हेर्नुहोस)

काठमाण्डौंः सुमन वैरागी पछिल्लो समय गीति लेखनको क्षेत्रमा स्थापित नाम हो । गीति लेखनमा दुई दशकको यात्रा गरिसकेका गीतकार सुमन वैरागीले लेखेका गीतहरू बजारमा चर्चाको शिखरमा रहेका छन् ।

यसैक्रममा उनको नयाँ गीति एल्बम ‘गालैको कोठी’ म्यूजिक भिडियो सार्वजनिक भएको छ । गायिका रुचि घिमिरे तथा  संगीतकार भीम बिसीको संगीत रहेको उक्त एल्बम बिहीबार रिलिज गरेका हो । नृत्यप्रधान रहेको उक्त एल्बममा पुष्कर सुनुवारको संगीत संयोजन रहेको छ ।

यो गीतको भिडियोलाई जीबी आग्रीले निर्देशन गरेका छन् । भिडियोमा अन्जु विश्वकर्मा, सन्तोष मगराती, रोबर्टसिंह बडैलाको अभिनय रहेको छ । यस भिडियोको सम्पादन सिलन लम्सालले गरेका छन् ।

गीतकार सुमन बैरागीको गत महिना मात्र नयाँ लोकपप गीत ‘मनको ताराले’ बजारमा आएको थियो । यस वर्ष मात्रै गीतकार वैरागीको चारवटा गीत बजारमा आइसकेको छ । वैशाखदेखि अहिलेसम्म गीतकार वैरागीले हाम्रो धर्ती, कोरोनाको डर छ, मनको ताराले र गालैको कोठीमा जस्ता गीतहरू बजारमा ल्याइसकेका छन् ।