चैत्र १५, २०८० बिहिबार March 28, 2024

प्रदेश ५ को राजधानी नयाँ ठाउँमा : प्रचण्ड

शेयर गर्नुहोस:
फन्ट परिवर्तन गर्नुहोस:

बुटवल । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले प्रदेश ५ को राजधानी नयाँ ठाउँमा बनाउनुपर्ने बताएका छन् । केही दिनअघि दाङमा प्रदेशको राजधानी दाङ उपयुक्त हुने बताएका प्रचण्डले मंगलबार भैरहवामा नयाँ ठाउंमा राजधानी बनाउनुपर्ने बताएका हुन् ।

उद्योग ब्यापार संगठन रुपन्देही र नेपाल चेम्बर अफ कमर्शको आयोजनामा शुरु भएको पाँचौं लुम्बिनी पर्यटन प्रवद्र्धन, औद्योगिक व्यापार तथा कृषि महोत्सको उद्घाटन गर्दै उनले राजधानी पुरानै शहरमा भन्दा नयाँ स्थानमा बनाउँदा सो क्षेत्रको विकास हुने बताएका छन ।

‘दुई वर्षसम्म प्रदेशको राजधानी र नामाकरण तोक्न नसक्दा अन्यौलता भएको छ’ प्रचण्डले भने, ‘अब पुरानो शहरमा बनाउनु भन्दा नयाँ ठाउंमा बनाउन उपयुक्त हुन्छ ।’

सरकारले जनअपेक्षा अनुसार काम गर्न नसकेको भन्दै प्रचण्डले अब भने सरकारले देखिने गरी काम गर्ने दाबी गरेका छन । ‘सरकार कहाँ अल्झिएको हो ?’ उनले भने, ‘तर अब नयाँ उत्साहका साथ देखिने गरी काम हुनेछ ।’

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया