मंग्सिर २, २०८३ बुधबार November 18, 2026

दुर्घटनामा आमा–छोरासहित तीनजनाको मृत्यु

शेयर गर्नुहोस:
फन्ट परिवर्तन गर्नुहोस: अ अ अ

वीरगञ्ज । बारामा भएको छुट्टाछुट्टै सडक दुर्घटनामा आमा–छोरासहित तीनजनाको ज्यान गएको छ । बाराको अम्लेखगञ्जस्थित ४ नम्बर पुलनजिकै ट्रकले मोटरसाइकललाई पछाडिबाट ठक्कर दिँदा रौतहटको चन्द्रपुर नगरपालिका वडा नम्बर ८ बस्ने तीर्थकुमारी राई र उनका एक वर्षीय छोरा आहन चौधरीको मृत्यु भएको हो ।

जितपुर सिमरा उप महानगरपालिका २२ अम्लेखगञ्जमा हेटौँडाबाट पथलैयातर्फ आउँदै गरेको ना ४६ प २५०४ नम्बरको स्कुटरलाई सोही दिशाबाट आइरहेको ना ५ ख ९०५५ नम्बरको ट्रकले ठक्कर दिँदा आमा छोराको मृत्यु भएको प्रहरीले जनाएको छ ।

ट्रकको ठक्करबाट मृतक राईका श्रीमान् रोशन चौधरी घाइते भएका छन् । उनको हेटौडाको चुरेहिल अस्पतालमा उपचार भइरहेको प्रहरीले जनाएको छ । ठक्कर दिने ट्रकलाई प्रहरीले नियन्त्रणमा लिएको तथा फरार भएका चालकको खोजी कार्य भइरहेका इलाका प्रहरी कार्यालय सिमराले जनाएको छ ।

यस्तै बिहीबार नै भएको अर्को सडक दुर्घटनामा बसले मोटरसाइकललाई ठक्कर दिँदा मोटरसाइकल चालकको मृत्यु भएको छ । वीरगञ्जबाट गौरतर्फ जाँदै गरेको बा४ख ५३२० नम्बरको बसले ना ११ प ५४७८ नम्बरको मोटरसाइकललाई ठक्कर दिँदा मोटरसाइकल चालक बारा निजगढका आईतसिंह लोप्चनको मृत्यु भएको हो ।

जीतपुर–सिमरा उपमहानगरपालिका वडा नम्बर १ स्थित पथलैयामा बसले लोप्चन सवार मोटरसाइकललाई ठककर दिँदा उनी गम्भीर घाइते भएका थिए । गम्भीर घाइते भएका लोप्चनलाई उपचारको लागि वीरगञ्ज ल्याउदै गर्दा बाटोमा नै ज्यान गएको प्रहरीले जनाएको छ । ठक्कर दिने बसका चालक फरार रहेको तथा बसलाई प्रहरीले नियन्त्रणमा लिएको इलाका प्रहरी कार्यालय सिमराले जनाएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
एमालेको राष्ट्रिय कार्यकर्ता भेला आजदेखि
२०८३ मंग्सिर २, बुधबार
कतार-कुवेतमा १८ वर्ष बिताएका मीनबहादुर गाउँ फर्किएर भैँसीपालनमा, वार्षिक ३ लाख बचत
२०८३ मंग्सिर २, बुधबार
कोप-३१ मा कार्बन व्यापारको अभिलेख राख्ने अन्तरराष्ट्रिय ‘रजिस्ट्री’ सार्वजनिक
२०८३ मंग्सिर २, बुधबार
सन् २०२७ देखि पर्वतीय जलवायु कार्यक्रम सञ्चालन गर्न नेपालको प्रस्ताव
२०८३ मंग्सिर २, बुधबार
शिक्षकको क्षमता विस्तार पढाउन जानुअघि तीन महिनाको तालिम अनिवार्य
२०८३ मंग्सिर २, बुधबार
हुलाकी सडकले फेरिँदै दुर्गम गाउँको मुहार
२०८३ मंग्सिर २, बुधबार
राष्ट्र बैंकले तोक्यो विदेशी मुद्राको विनिमयदर, अमेरिकी डलर कति पुग्यो ?
२०८३ मंग्सिर २, बुधबार