बानेश्वरमा डाक्टरलाई ठक्कर दिएर भागेको बस रामेछापमा भेटियो

काठमाडौं । काठमाडौंको नयाँ बानेश्वरमा सिभिल अस्पतालका चिकित्सक डा. प्रभु जोशीलाई ठक्कर दिएर भागेको गाडीलाई प्रहरीले नियन्त्रणमा लिएको छ । रामेछापबाट बा ४ ख ६१४ नम्बरको बस र चालकलाई प्रहरीले नियन्त्रणमा लिएको हो ।

काठमाडौं प्रहरी परिसर, टेकुका डीएसपी होविन्द्र बोगटीले गाडी नियन्त्रणमा लिइएको पुष्टि गरे पनि पक्राउ परेका व्यक्तिको नाम खुलाइएको छैन । आइतबार बिहान मर्निङ वाकमा हिँड्ने क्रममा बसको ठक्करबाट जोशीको मृत्यु भएको थियो ।