मंग्सिर २, २०८३ बुधबार November 18, 2026

ट्रम्पलाई महाभियोग सुनुवाईमा उपस्थित हुन निम्तो

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । अमेरिकी राष्ट्रपति डोनाल्ड ट्रम्पमाथि महाभियोग लगाइने विषयमा तल्लो सदनमा छलफल सुरुवात भइसकेको छ।

विपक्षी दल डेमोक्रेटिकको आग्रहमा ट्रम्पमाथि महाभियोग लगाउनेबारे छलफल सुरु भएको हो।

ट्रम्पले डेमोक्रेटिक पार्टीका नेता जोइ बाइडेनविरुद्ध भ्रष्टाचारको अनुसन्धान गर्न युक्रेनका राष्ट्रपतिलाई आग्रह गरेको विषय सार्वजनिक भएपछि डेमोक्रेटिक पार्टीका नेताहरुले ट्रम्पले अन्तर्राष्ट्रिय कुटनीति तथा मूल्य मान्यताविरुद्ध कार्य गरेको भन्दै उनीमाथि महाभियोग लगाइनु पर्ने बताएका थिए।

बाइडेन आगामी वर्ष हुने राष्ट्रपतिय निर्वाचनमा ट्रम्पको सम्भावित प्रतिस्पर्धी हुन्।

प्रतिनिधि सभाकी सभामुख न्यान्सी पेलोसीले छलफल अगाडि बढाएपछि ट्रम्पले महाभियोग प्रक्रियामाथि व्यंग्य गरिरहेका छन्। उनले दोहोर्याउँदै डेमोक्रेटिक पार्टीका नेताहरुको आलोचना गरेका छन्।

यसबीचमा अमेरिकी तल्लो सदनले ट्रम्पलाई महाभियोग प्रक्रियामाथि प्रश्न गर्नुभन्दा महाभियोग सुनुवाईमा उपस्थित हुन निम्तो दिएको हो।

बीबीसीका अनुसार ट्रम्पमाथिको महाभियोग सुनुवाई डिसेम्बर ४ तारिखका लागि तोकिएको छ।

ट्रम्पले सुनुवाईमा सहभागी भए त्यहाँ महाभियोगकका पक्षमा उभिएका नेताहरुसँग प्रश्न गर्न सक्नेछन्।

महाभियोगको पक्षमा विपक्षी डेमोक्रेटहरूको बलियो समर्थन छ।

यदि अनुसन्धान संसद्‌मा अघि बढेमा मतदान हुनेछ र तल्लो सदनबाट सहजै पारित हुने देखिन्छ।

त्यसपछि त्यो माथिल्लो सदन सिनेटमा पुग्नेछ। दुईतिहाइ बहुमतको खाँचो पर्ने उक्त सदनमा रिपब्लिकनहरूको बाहुल्य रहेकाले त्यहाँबाट पारित हुने सम्भावना भने कम देखिन्छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार
‘किङ्ज कप’ राष्ट्रिय प्रतियोगिताको तयारी पूरा
२०८३ मंग्सिर २, बुधबार
सुनको मूल्य तोलामै ६ हजार ३ सयले घट्यो
२०८३ मंग्सिर २, बुधबार
एनपीएल–३ मा कुन टोलीका कप्तानको प्रदर्शन कस्तो ?
२०८३ मंग्सिर २, बुधबार