‘तिमीसँग दिल बस्यो’मा राहुल र साक्षीको रोमान्स (भिडियो)

काठमाडौंः गायक गणेश थापाले नयाँ गीत ‘तिमीसँग दिल बस्यो…’को भिडियो बजारमा ल्याएका छन् । यो गीतको भिडियो मंगलबार बेलुका बुढासुब्ब डिजिटलबाट रिलिज गरिएको हो । यो गीतमा सुन्दर पन्तको रचना, बलराम राजवंशीको संगीत रहेको छ ।

यो गीतको भिडियोमा राहुल श्रेष्ठ, साक्षी लम्साल, सुवर्णकुमार र सुनिता भुजेलको अभिनय रहेको छ । यो भिडियोमा राहुल र साक्षीको अभिनयले अहिले प्रशंसा पाएको छ । यो भिडियोलाई डब्बु क्षत्रीले निर्देशन गरेका हुन् । गीतमा त्रिकोणात्मक प्रेम कथा प्रस्तुत गरिएको छ । गीत रोमाञ्चक शैलीको छ ।

आफूहरूको अभिनयलाई दर्शकले मन पराएको कलाकार साक्षी लम्सालले बताइन् । यो भिडियोलाई सवला थापाले निर्माण गरेकी हुन् । यो गीतको भिडियोमा टंक केसीको छायांकन, सुरेशकुमार राउतको सम्पादन, शोभा श्रेष्ठको शृंगार रहेको छ ।

उनले दुई साताअघि मात्र ‘आयो मेरै राजा…’ बजारमा ल्याएका थिए । त्यो गीतलाई दर्शकले रुचाएपछि नयाँ गीत ‘तिमीसँग दिल बस्यो…’को भिडियो पनि बजारमा ल्याएको हो । चाँडै अर्कोसमेत गीत समेटेर गीतिसंग्रह बजारमा ल्याउने तयारी गरिरहेको पनि उनले बताएका छन् । केही समयदेखि अमेरिकामा बस्दै आएका गायक गणेशले नेपालमा आएको बेला यो दुईवटा गीत रेकर्ड गरेका हुन् । राजधानी दैनिक

भिडियोमा हेर्नुहोसः