काठमाडौं: पूर्वप्रधानमन्त्री एवम् जनता समाजवादी पार्टी, नेपालका संघीय परिषद् अध्यक्ष डा. बाबुराम भट्टराईले बुढिगण्डकी जलविद्युत आयोजनाको माग गर्दै धर्नामा बसेका छन् ।
राष्ट्रिय सरोकार समितिले आयोजना निर्माणको लागि दबाब दिने उद्देश्यले आज धर्ना कार्यक्रमको आयोजना गरेको छ ।
काठमाडौँको माईतीघर मण्डलामा आयोजित धर्ना कार्यक्रममा भट्टराई पनि सहभागी भए। त्यसअवसरमा भट्टराईले बुढीगण्डकी जलविद्युत आयोजना नबन्दा मुलुकलाई खर्बौ रुपैयाँ घाटा हुने बताए ।
उनले आयोजना निर्माणमा ढिलाइ गर्नुको अर्थ आयोजना नै नबन्नुसरह भएको बताए। ‘अब बुढीगण्डकी आयोजनामा ढिलो गर्नु हुँदैन, ढिलो गर्नु भनेको नबन्नु हो। देशका लागि खर्बौं रुपैयाँ घाटा हो’ उनले भने ।
अहिले आफ्नो दल जनता समाजवादी पार्टीको समेत समर्थन रहेको सरकारले आयोजना निर्माण अघि बढाउन नसक्नु लज्जास्पद भएको पनि भट्टराईले बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया