मंग्सिर १, २०८३ मंगलबार November 17, 2026

सर्वोच्चमा अबदेखी मुद्दाको पेशी सूची निर्धारण गोला प्रक्रियाबाट

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः सर्वोच्च अदालत नियमावली २०७४ मा भएको संशोधन राजपत्रमा प्रकाशित भएसँगै अब मुद्दाको पेशी सूची निर्धारण गोला प्रक्रियाबाट हुने भएको छ ।

सर्वोच्च अदालतको पूर्ण बैठकले सर्वोच्च अदालत नियमावली २०७४ मा गरेको संशोधन आज राजपत्रमा प्रकाशित भएको हो । योसँगै प्रधानन्यायाधीशले तोक्दै आएको पेशी सूची अब गोला प्रक्रियाबाट हुनेछ । संशोधित नियमावलीमा अदालतमा दर्ता भएको मुद्दाको सुनुवाइको लागि इजलास गठन र पेशी सूची निर्धारण गोला प्रक्रियाद्वारा हुने उल्लेख गरिएको छ ।

कुनै पनि सरकारी निर्णय राजपत्रमा प्रकाशित भएपछि त्यसले वैधानिकता पाउने कानुनी व्यवस्था छ । यसैबिच, सर्वोच्च अदालतले आजका लागि गठन भएका १२ मध्ये ११ वटा इजलासमा मुद्दाको सुनुवाइ भएको छ ।

आजका लागि गठन भएका १२ वटा इजलासमध्ये ११ संयुक्त इजलासमा सुनुवाइ भए पनि एक एकल इजलासमा समय अभावका कारण सुनुवाइ नभएको हो ।

न्यायाधीश प्रकाशमान सिंह राउत सहितको अर्को संयुक्त इजलास पनि भएकाले समय अभावका कारण उहाँको अर्को एकल इजलासमा रहेको सबै ३० वटै मुद्दा हेर्न नभ्याइने सूचीमा परेको थियो ।

प्रधानन्यायाधीश चोलेन्द्र शमशेर जबराले आजका लागि पेशी तोक्नुभएको ४ सय ५४ वटा मुद्दामध्ये आज २८ वटा मुद्दामा सुनुवाइ भएको छ ।

सुनुवाइ भएका २८ मध्ये २५ वटामा फैसला र ३ वटा मुद्दामा आदेश जारी भएका छन् भने ४ सय २६ वटा मुद्दा आज पनि हेर्न नभ्याइने सुचीमा परेको छ ।

सर्वोच्च अदालतका न्यायाधीशहरुले प्रधानन्यायाधीशसँग बेन्च सेयर नगर्ने र प्रधानन्यायाधीशको इजलास समेत नराख्न आग्रह गरेपछि प्रधानन्यायाधीश जबराले सोही अनुसार आज आफू बाहेकका १२ वटा इजलास गठन गर्नुभएको थियो ।

सर्वोच्चको पूर्ण बैठकले गोला प्रथाबाट पेशी तोक्ने गरी नियमावली संशोधन गरेपछि असन्तुष्ट न्यायाधीशहरू इजलास फर्कनुभएको थियो ।

गत बुधवार सर्वोच्च अदालतको पूर्ण बैठकले नियमावली संशोधन गरे पनि सो व्यवस्था राजपत्रमा प्रकाशन नभएका कारण गोला प्रथा भने सुरु हुन सकेको छैन ।

न्यायिक गरिमा कायम राख्न नसकेको भन्दै सर्वोच्चकै न्यायाधीशहरू प्रधानन्यायाधीश जबरासँग असन्तुष्ट छन् ।

यस्तै, प्रधानन्यायाधीश चोलेन्द्रशम्शेर जबराको राजीनामा माग्दै आन्दोलनमा उत्रिएको नेपाल बार एसोसिएसनले धर्ना र विरोधको कार्यक्रमलाई आज पनि जारी राखेको छ ।

आज पनि सर्वोच्च परिसरमा बिहान २ घण्टा धर्ना दिएको बारले प्रधानन्यायाधीश जबरालाई पदमुक्त गराउन माग गर्दै आज सभामुख अग्निप्रसाद सापकोटासहित विभिन्न राजनीतिक दलका नेतालाई  ज्ञापन पत्र बुझाएको छ ।

सरकारमा भाग खोजेर न्यायिक विचलन निम्त्याएको भन्दै नेपाल बारले प्रधानन्यायाधीश जबराको राजीनामा मागेर गत कात्तिक १४ गतेदेखि विरोध प्रदर्शन गर्दै आएको छ ।

विरोध कार्यक्रमअन्तर्गत आइतबार कानून व्यवसायीहरूले सबै अदालतहरूमा बन्दी प्रत्यक्षीकरणबाहेकका मुद्दामा बहस पैरवी रोकेका थिए ।

 

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
चिमखोला-सोवाङ धुरी जोड्ने पदमार्ग निर्माण
२०८३ कार्तिक ३०, सोमबार
स्थानीय निर्वाचन गैरदलीय बनाउन कुलमान घिसिङको माग
२०८३ कार्तिक ३०, सोमबार
भोटेकोशी बाढी प्रभावित जिल्लामा पुनर्निर्माण शीघ्र सुरु हुन्छ : मख्यमन्त्री मगर
२०८३ कार्तिक ३०, सोमबार
नागरिकको स्वास्थ्य सेवाप्रति प्रदेश सरकार गम्भीर छ: मुख्यमन्त्री पाण्डे
२०८३ कार्तिक ३०, सोमबार
सुत्केरीको मृत्युपछि अस्पतालमा विवाद, प्रदर्शनका क्रममा पाँच जना प्रहरी नियन्त्रणमा
२०८३ कार्तिक ३०, सोमबार
रास्वपाको आन्तरिक विवादमा एमालेले हस्तक्षेप गर्दैन : योगेश भट्टराई
२०८३ कार्तिक ३०, सोमबार
‘रामायण’ २०२७ मा मात्रै चीन, जापान, रुस र दक्षिण कोरियामा रिलिज हुने
२०८३ कार्तिक ३०, सोमबार