राष्ट्रिय अनुसन्धान विभागको प्रमुखमा यदुलाल खरेल नियुक्त

काठमाडौंः सरकारले राष्ट्रिय अनुसन्धान विभाग (राअवि)को प्रमुखमा यदुलाल खरेललाई नियुक्त गरेको छ । बुधबार बसेको मन्त्रिपरिषद् बैठकले खरेललाई मुलुकको आन्तरिक गुप्तचरी निकाय राअविको प्रमुखमा बढुवा गरेको हो ।

विभागको हाल नेतृत्व गरिरहेका गणेश अधिकारी २२ पुसबाट अनिबार्य अवकाशमा जानेभएपछि बरियतामा अधिकारीपछिका खरेललाई नियुक्त गरिएको  हो । उनी करिब नौ महिना संगठन प्रमुख हुनेछन् । उनी विभागको नियमावली अनुसार ५८ वर्षे उमेरहदका कारण अवकाश हुनेछन् ।

खरेलसँगै राअविका अर्का अतिरिक्त मुख्य अनुसन्धान निर्देशक यादवप्रसाद रेग्मी पनि गुप्तचर प्रमुख बन्ने दौडमा थिए । खरेल प्रमुख भएसँगै रेग्मी तीन महिनामै सोही पदबाट उमेरहदका कारण अनिबार्य अवकाश जाने छन् ।