राष्ट्रिय सभा निर्वाचनमा गठबन्धनलाई जिताउन भूमिका खेल्ने पाँचदलीय संयन्त्रको निर्णय

काठमाडौंः राष्ट्रिय सभा निर्वाचनमा सत्ता गठबन्धनमा आबद्ध पाँच दलका उम्मेदवारहरूलाई जिताउन भूमिका खेल्ने सरकार सञ्चालनका लागि गठित उच्चस्तरीय राजनीतिक संयन्त्रको निर्णय भएको छ ।

आज (बिहीबार) बसेको संयन्त्रको बैठकले आगामी माघ १२ गते हुने निर्वाचनमा गठबन्धनका उम्मेदवारहरुलाई जिताउन भूमिका खेल्ने निर्णय गरेको हो । साथै बैठकले मतदाताहरुलाई गठबन्धनका उम्मेदवारलाई जिताउन अपिल समेत गरेको छ ।

संयन्त्रको बैठकले प्रधानमन्त्री शेरबहादुर देउवालाई आइतबारबाट हुने भारत भ्रमणको सफलताका लागि शुभकामना समेत दिएको सरकारका प्रवक्ता ज्ञानेन्द्रबहादुर कार्कीले बताए । उनका अनुसार प्रधानमन्त्री देउवाको भारत भ्रमणले दुई देशबीचको सम्बन्ध थप बलियो हुने संयन्त्रको विश्वास छ ।